گولرکن بئله
1398/09/24
بولگه لر سرويسي: بيز دؤرد قادينيق. بير يئره ييغيشاندا ائله‌يه بيله‌ريک گولک، غملي اولساق دا بئله.
روژو اوزه ياخان پودورلاريميزي بير بيريميزه تعاروف ائده‌ريک؛ الدن اله دولانان گوزگوده اؤزوموزه باخاريق. سؤزلريميز اوشاقلاريميزدان باشلار و کيشيلريميزده بيتر.
بونا گؤره سسيميز اوولده يوماشاق و اينجه اولار و سونرا ياواش – ياواش گوبودلاشار. بيز چوخ لذتله خيانتلريميزدن دانيشاريق. ايندي آرتيق بيربيريميزي ياخشي تانيريق و بيلريک‌هانکيميز نئجه خيانت ائليريک.
بيزدن بيري همشه معده‌ميزي بولانديرار. او عصبلشنده اغزينين سويولا ارينه کباب پيشيرر. او ايگرنجي حيکايه‌لر بيزه تعريف ائده‌ر. اوزوموزو بير يئره ييغيب، قولاقلاريميزي توتوب يالواراريق بوندان آرتيق دئمه‌سين دا…بيزيم ظنيميزجه او گئري قالميش قاديندي، چونکي اينتقاما فقط بير يول باشارير.
بيزدن بيري کيشيسين چاپار؛ آشکاردا، گيزلينده، يوخودا، آييقليقدا، ائوده، بازاردا. او همشه سو، برق فاکتورون کيشيني قيرخماغا گؤره ساختالادار. همشه آل – وئرده‌دي. گئرچکدن حوققه‌بازين بيريدي.
من حياتيملا باشقا معامله ائله‌ميشم. ايللردير کي اريم، ائوده اولان موبيليا و يا دوواردان آسيلي اولان پينجدي و يا ماسا اوسته اولان بشقاب. احساسيمي‌اوندان آلميشام؛ او دا هردن بير شکله دوشور، ايللا ائوده اولمالي کيشيدن باشقا.
فقط بير نفر وار هله اؤز خيانتيندن بير سؤز دئمه‌ييب.هاميميز اونا باخيريق. قراريميز او دئييلدي کي بيزدن بيري خيانت سيررين آچيقلامايا. ائحتمال وئريريک کي اونون خيانتي يئني بير شئيدي. چون قوناقليغين اووليندن اوزونده‌کي بوياسيز گولوشون قورويوب. صندللريميزي اونا ياخينلاشديريريق؛ گؤزلريميز مراکدان ايشيلدايير.
بير آز سکوتدان سونرا کي‌هاميني بئزديردي، گؤزلرين يوموب و زحمتله دئيير:
– من ده… من ده خيانت ائله‌ميشم.
راحاتليقلا نفس آليريق و بيريميز دئيير:
– آفرين…داوام ائت.
– اونا يوخ، اؤزومه!
– حياتيمين بوتون ايللرينده اؤزوم دئيه‌ن کيمي‌ياشاماميشام.
– اوره‌گين نه ايستيردي ميه؟– بيلميرم…ايندي دا آرتيق بونو دا بيلميرم.
هاميميز ساکيتيک. بيريميز سورخابين کيفيندن چيخاردير و‌هامييا تعاروف ائدير.هاميميز گؤزگويه باخمادان، ياناق و دوداقلاريميزي بويويوب و ائولريميزه قاييديريق…
منبع :