پاييز گونشي گون باتارين قانلي گؤلونده

بولگه لر سرويسي: گونلر بير – بيري نين آردينجا گلير، سوووشور. سياووش، هر گون »صادق«ا باش چکير. اونون داوا – درمانينا چاليشير. »صادق« ايسه, ايندي، نه قيزديرير,

نريمان ناظيم

بولگه لر سرويسي: گونلر بير – بيري نين آردينجا گلير، سوووشور. سياووش، هر گون »صادق«ا باش چکير. اونون داوا – درمانينا چاليشير. »صادق« ايسه, ايندي، نه قيزديرير, نه سايقيلايير، نه ده قيشقيرير. آنجاق، او هئچ بير سوز دانيشمير, داييم توموب، فيکره دالير. سوسقون حالدا، گؤزو بير نوقطه‎يه ديره‌نير, اؤز ايچينده ياشايير، سون گؤروشده سياووش اونو محبتّ‎له سوزوب، سونرا دئيير: »شوکور آللاها داي حالين ياخشي‎لاشيب. من دئييرم، ياپيشاسان »مريم«ين، اليندن, بئش- اون گون گئده‌سن شيمالا. قوي بير آب-‌هاوان د‎ييشيلسين. »صادق« اونون جاوابيندا دئيير: فعلن کي استعفامي يوللاميشام ايداره‎يه، اونون جاوابين گؤزله‎ييرم. آه چکه‎ر‎ک, ادامه وئرير: »اوننان سونرا گؤروم نئيله‎ملي‎يم«. بو لحظه، »مريم«، سؤزه قاريشير: »تصميمي وار گئده، آمما تک گئدير. مني آپارماق ايسته‎مير. دئييرم تک گئتسن، من نيگران قاللام آخي…«. »مريم« سؤزونون قالميشيني اوتور. نئچه لحظه سوکوت ايله اؤتور. سياووش باخيشي ايله »صادق«‎دان جاواب ايسته‎يير. »صادق« دئيير: »ايستيرم گئدم،آمما شيمالا گئتمک، ايسته‎ميرم. من ايستيرم، بوزقوشا گئدم.»مريم«ي من اوردا نئيله‎ييم. اوبادا منبم تار- تانيشيم چوخدور. آمما آرواديلان جور گلمز. بير ده دوزون ايسته‎سن ايسته‎ييرم بير مدت تک اولام. تک‎ليک آختاريرام. فقط ايسته‎ييرم تک اولام. ناراحات اولما »مريم«  بو منه لازيمدي. من بير سا‎يخاش يئر آختاريرام بير آز فيکير‎لشم. بالاخره، من اؤز تکليفي‎مي گره‎ک مشخّص ائله‎‎يم. آخي من بو دونيادا نه‎چي‎يم. سن ديء سياووش، من نه‎چي‎يم… نه‎چي‎يم؟«.
آناديليميز: گونلر بير بيري نين آردينجا گلير، سوووشور. سياووش، هر گون »صادق«ا باش چکير. اونون داوا – درمانينا چاليشير. »صادق« ايسه, ايندي، نه قيزديرير, نه سايقيلايير، نه ده قيشقيرير. آنجاق، او هئچ بير سوز دانيشمير, داييم توموب، فيکره دالير. سوسقون حالدا، گؤزو بير نوقطه‎يه ديره‌نير, اؤز ايچينده ياشايير، سون گؤروشده سياووش اونو محبتّ‎له سوزوب، سونرا دئيير: »شوکور آللاها داي حالين ياخشي‎لاشيب.
 من دئييرم، ياپيشاسان »مريم«ين، اليندن, بئش- اون گون گئده‌سن شيمالا. قوي بير آب-‌هاوان د‎ييشيلسين. »صادق« اونون جاوابيندا دئيير: فعلن کي استعفامي يوللاميشام ايداره‎يه، اونون جاوابين گؤزله‎ييرم. آه چکه‎ر‎ک, ادامه وئرير: »اوننان سونرا گؤروم نئيله‎ملي‎يم«. بو لحظه، »مريم«، سؤزه قاريشير: »تصميمي وار گئده، آمما تک گئدير. مني آپارماق ايسته‎مير. دئييرم تک گئتسن، من نيگران قاللام آخي…«. »مريم« سؤزونون قالميشيني اوتور. نئچه لحظه سوکوت ايله اؤتور. سياووش باخيشي ايله »صادق«‎دان جاواب ايسته‎يير. »صادق« دئيير: »ايستيرم گئدم،آمما شيمالا گئتمک، ايسته‎ميرم. من ايستيرم، بوزقوشا گئدم. »مريم«ي من اوردا نئيله‎ييم. اوبادا منبم تار- تانيشيم چوخدور. آمما آرواديلان جور گلمز. بير ده دوزون ايسته‎سن ايسته‎ييرم بير مدت تک اولام. تک‎ليک آختاريرام. فقط ايسته‎ييرم تک اولام. ناراحات اولما »مريم«, بو منه لازيمدي. من بير سا‎يخاش يئر آختاريرام بير آز فيکير‎لشم. بالاخره، من اؤز تکليفي‎مي گره‎ک مشخّص ائله‎‎يم. آخي من بو دونيادا نه‎چي‎يم. سن ديء سياووش، من نه‎چي‎يم… نه‎چي‎يم؟«. »صادق«‎، سؤزون بيتيريب سوروجو گؤزلرين، سياووشا تيکير، سياووش قفيلدن طرح اولونموش سوآلين آرديندا، »من نه‎چي‎ام؟« سؤزو اوتاغين فضاسيندا هر‎له‎نير، قاسيرغا کيمي تاوانا, دره- دووارا ده‎ييب قاييدير و اونون، عکس صداسي سياووشون قولاغيندا سسله‎نير: من نه‎چي‎يم؟ مريمين ياناغينا آخان ياش و نهايت بيردن- بيره آچيليب، هر نه اوره‎يينده وارسا، ائشيگه تؤکمه‎سي بير نئچه آنليق اولورسا دا، سياووشو بو بورولغاندان قورتارير: »… مني بو حالدا قويوب، گئتمه… من سننن‎ ده پيس گونده‎يم، »صادق«… بس من‎نن نييه قاچيرسان…«. »مريم« دانيشير، آمما سياووش اونون دئديگي‎نين، اونون گيلايه‎لرينين بيرين ائشيدير، بئشين ائشيتمير. او اولدوغو فضادان چيخا بيلمه‎يير. »صادق« ايسه… مريمي‌توختاقليغا چاغيرير. اونون اوره‎يين آلماغا، چاليشير: ». من ايندي اؤزومدن قاچيرام »مريم«… ياخشي اگر اؤزون ايستيرسن گل… ياخشي گل….«، آمما، سياووش، اؤز عالمينده‎دير.
 او اؤز ايچينده چيرپينير، بوغولان بير آدام تک، گاه سويون آلتـينا گئدير، گاه اوزه چيخير. هردن بير کلمه, يوخسا بير جومله ائشيدير، بير شئيي سئچير، يئني‎دن اؤزونه دالير. اونجا اوتاغين تاواني گئتديکجه آلچاقلاشير، دووارلار ياخينلاشير، اوتاق کيچيلير، فضا دارالير.
سياووش،‌هاچان ائودن چيخماسيني دويمادان، اؤزونون ائشيکده اولماسيني، حيسّ ائله‎يير. گئجه ياريسينا ياخينلاشير, يول سايخاش, شه‎هر دينج‎دير، تکه- توک آدام گلير کئچير، آمما سياووش اونلارين هئچ بيريسين گؤرمور. »من نه‎چي‎يم؟« سؤزو اونون قولاغيندا سسله‎نير. »صادق« اونون آردينجا گلير. اوز سورغوسون تيکرار- تيکرار سورور. سياووش بير آن حيسّ ائله‎يير بو »صادق«ين سسي دئييل، بو اونون اوز سسي‎دي. هويوخور، يان يؤوره‎سينه باخير، ا‌ؤزونه گلير: »من‌هارا گئديرم؟! يولو اشتيباه گلميشم!”- دييه، گئري‎يه دؤنور.زيل قارانليق‎دير. گؤزلري ياخشي سئچمير, گؤزلرين اوووشدورور. اوچ- دورد يول، گؤزلرين، مؤحکم يوموب آچير, سونرا يولا دوشور… سون

منبع :