آذربايجان ناغيللاري بولگه لر سرويسي:قيز دوغسام قاپيدان بير اله¬ک آسارام. يوخ، اوغلان دوغموش اولسام قاپييا بير توفنگ آسارام کي سيز بيله¬ سيز. ووردو آرواد بير قيز دوغدو و قونشونون آروادينا دئدي کي قاپيدان بير اله¬ک آس. چونکي اوغلانلاريما دئميشم قيز دوغسام قاپييا اله¬ک آساجاغام. اوغلان دوغسام توفنگ. توفنگ آسسام اوغلانلاريم قويوب گئدرلر بير داها بو ائوه آياق قويمازلار. قونشو آرواد چوخ پاخيل ايدي، اله¬ک يئرينه توفنگ قاپيدان آسدي. اوغلانلار اووچولوقدان قاييداندا اوزاقدان توفنگي گؤروب ائله گلديگي يئرلرينه قاييتديلار. گئديب اوزاقلاردا بير دوزده دام-داش ساليب اوراد قالديلار. گونوزلر شيکارا گئديب آخشاملار گتيريب يئييب گئجه¬لري ياتديلار. بو قيز بؤيودو. بير گون بير داوار قارني آلميشديلار. آپاردي سو باشيندا يوسون. بيردن بير قارغا گليب قاريني گؤتوروب آپاردي. قيز قارغانين داليسيجا قاشدي. قارغا گليب، گليب او قارداشلارين دووارينا قوندو. قيز هر طه¬رفه باخدي. دووارلار اوجا ايدي. دروازه ده باغلي ايدي. بير سو گيليفي تاپيب اورادان حه¬يه¬طه گيردي و قاريني قارقانين¬ الين¬دن آلدي. آما هر نه آختاردي سو گيليفيني داها تاپا بيلمه¬دي. اوتاقلارين قاپيسي آچيق ايدي. ايچه¬ري گيريب ائوي تؤرتؤکونتو و توزتورپاقلي اولدوغون گؤردوک¬ده، ائو ائشيگي سيليب سوپوروب تميز¬له¬دي. ائوده اه¬ت وارايدي قازانا تؤکوب پيشيردي. قارداشلار گلنه ياخين گئديب دؤنده¬رمه¬نين آلتين¬دا گيزلن¬دي. اوغلانلار ائوه گلديک¬¬ده ائوي تميز گؤروب، خؤرکلريني حاضير گؤردوک¬ده تعجب¬ده قالديلار. بو کيمين ايشي اولدوغونو بيلمه¬ديلر. قرار قويدولار کي صاباح قارداشلارين بيري دامدا گيزلن¬سين و باجادان ائوي گودسون گؤرسون بو کيم¬دير؟بؤيوک قارداش دئدي من قالارام! سيز گئدين شيکارا. بؤيوک قارداش دام¬دا اوتوروب گؤزلريني باجادان ايچه¬رييه زيلله¬دي. بير مدت¬دن سورا يوخوسو توتدو. قيز دؤنده¬رمه¬نين آلتين¬دا اونو ياتديغيني گؤردوک¬ده ائيشيگه چيخيب ائوي تميزله¬ييب قازاني اوجاغا آسيب خؤره¬گي پيشيريب گئنه¬ ده دؤندرمه¬نين آلتين¬دا گيزلندي. قارداشلار گليب ائوي يئنه¬ ده تميز گؤروب، خؤره¬گي حاضير گؤردوک¬ده بؤيوک قارداشلارين¬دان سه¬به¬بيني سوروشدولار. آما او دئدي کي من هئچ کيمي گؤرمه¬ديم. بيز زامان گؤردوم کي ائو سوپورله¬نيب، خؤرک قازان¬دا پيشمک¬ده¬دي صاباح ايکينجي قارداش دئدي من قالاجاغام گؤروم بو ايشلري گؤره¬ن کيم¬دي و هاردان گلير. صاباح او دا بير موددت باجادان گؤزلريني ائوين ايچينه زيلله¬دي، سونرا اونو دا يوخو آپاردي. قيز چيخيب ائو-ائشيگي سوپوروب تميزله¬ييب خوره¬گي پيشيريب گئنه ده گئديب دؤندرمه¬نين آلتين¬دا گيزلندي. آلتي قارداش بوجور اولدولار و هاممي¬سيني يوخو آپاريب هئچ نه¬يي گؤرمه¬ديلر. کيچيک قارداشا نوبه يئتيشن¬ده دئدي من بو گون بو ايشين اوستونو آچارام. او دا بير موددت باجادان ايچري باخدي. بير زامان گؤردو اونون دا گؤزلريني زيلله¬مک¬دن يوخوسو توتور. بارماغيني کسيب اوستونه بير آز دوز تؤکدو و اونون آجيشماغين¬دان داها يوخوسو قاچدي. آما، يالان¬دان اؤزونو يوخويا ووردو. بيز زامان گؤردو کي بير قيز دؤندرمه¬نين آلتين¬دان چيخيب، ائوي سوپورمه¬يه باشلادي. تئز دامدان آشاغايا يئنيب قيزدان سوروشدو کي: سن کيم¬سن؟ قيز باشي¬نين قضا و قه¬ده¬ريني و نئجه اورايا گلمه¬سيني ناغيل¬لادي. آخشام قارداشلار گليب ائوده قيزي گؤرن¬ده دئديلر ائله بيز يئددي قارداشا بير باجي لازيم ايدي. بئله¬ليک¬له ياشاماغا باشلاديلار. بير گون باجي ناخوشلاييب اؤلوم حالينا دوشدو. قارداشلارين اللرين¬دن بير ايش گلميردي. بير ده¬وه گتيريب قيزي بير تايا قويوب و بير تايادا قيزيل-گوموش دولدوروب ده¬وه¬يه يوکله¬ييب، بير کاغازدا يازيب ايچينه قويدولار کي هر کيم بو ده¬وه¬ني تاپسا بو پوللاري قيزين ساغالماسينا يا اؤلموش اولسا اونون »کفن و دفن« ائتمه¬گه خرجله¬سين. ده¬وه¬ني گتيريب بير يولا اؤتوردولر. ده¬وه باش آليب گئتدي بير شه¬هرده بير شازدا ده¬وه¬ني گؤروب اووسارين¬دان ياپيشيب اؤز سارايينا آپاردي. اوردا يوکو آچديق¬دا بير قيزين جنازه¬سيني و بير تاي¬دا دولو قيزيل-گوموش گؤردولر. کاغازي اوخودولار. سونرا، بير آينا گه تيريب قيزين بورنونون قاباغينا توتدولار. گؤردولر کي قيزين هه¬له نفه¬سي واردير و اؤلمه¬ييب¬دير. حکيم گه¬تيريب داوا درمان ائتديک¬ده قيز ساغالدي. شازدا دا قيزين ادب کامال و گؤزلليگين گؤردوکده اونلا ائولندي و بير ايل¬دن سونرا بير اوغلان صاحابي اولدولار. اوغلان بويويوب يئددي ياشينا چاتان¬دا قيزين قارداشلاري باجي¬لارين¬دان بير خبر توتماق فيکرينه دوشدولر. هر بيري بير نوع پالتار ايله هره¬سي بير طه¬رفه دوشوب باجيني يا اؤلموش اولسا اونون قبريني آختارماغا باشلادي¬لار. کيچيک قارداش کي چوبان پالتاري گيرميش¬دي گليب هه¬من باجيسي اولان شه¬هه¬ره چاتدي. اورادا بير نئچه اوشاق اويناماق¬دايديلار. اوشاقلارين بيري اودموش ايدي لاکين او بيري اوشاقلار قبول ائتميرديلر. بيري دئدي: گئت آي آناسي نابللي (نا معلوم) اودماميسان. اوغلان آناسي¬نين ياني¬نا قاييديب قضييه¬ني دئيير.کيئچيک قارداش بونو ائشيتديک¬ده مارقلانير و ايشين نتيجه¬سيني بيلمک اوچون اوردا اوتورور. اوغلانين آناسي اونا دئيير: گئت اوشاقلارا دئ کي ... يئددي دايي¬مين جاني اودموشام هاي اودموشام.اوشاق قاييديب بو سؤزو دئديک¬ده داييسي بيليرکي بو ائله اونون باجيسي¬نين اوغلو اولمالي¬دير. اوغلانين آناسي¬نين ائوينه گئديب باجيسيني گؤردوک¬ده تانييير. سونرا دوشوب او بيري قارداشلاري آختاريب تاپير و باجي¬لاري¬نين يانينا گليرلر. دئييرلر کي بيزيم آتاميز-آناميز ايندي قوجاليب. بيز اونلارين يانلارينا گئتمک ايسته¬ييريک. قيز دئيير من ده گليرم. گليب، گؤرورلر آتا-آنا قوجاليب يئره ياپيشيبلار. آنا قيزيني گؤردوک¬ده تانييير و دئييرکي ائله بو سيزين دوغما باجيزدير. بئله¬ليک¬له هاممي سئوينيب شادليق ايله ياشاييرلار. سيز ده ساغ و سالامات اولون، آرزيلاريزا يئتيشين.
قيز دوغسام قاپيدان بير اله ک آسارام. يوخ، اوغلان دوغموش اولسام قاپييا بير توفنگ آسارام کي سيز بيله سيز.