بولگه لر سرويسي:اوخ آتما موسابيقه‌لري‌نين چوخوندا غاليب اولان شهرين قهرماني، بير »ذِن« موعليمي ايله موباحيثه‌يه باشلادي. قهرمان دئدي: من هاميدان ياخشي‌يام، من دين موريدينده چوخ اؤيرنمه‌ميشم، و دين آداملارينا اؤيرتمگه گوجوم چاتماز. من منطقه‌ده يايلا اوخ آتانلارين اَن ياخشيسي ساييليرام. و ائشيتميشم سن کئچميشده منطقه‌ده اَن ياخشي اوخ آتان ايدين. بونا گؤره سندن سوروشورام: »سن اوخ آتماق اؤيرتمک اوچون دين آدامي اولوبسان ؟« ذِن موعليمي خولاصه اولاراق دئدي: »يوخ« آما قهرمان قانع اولمادي، و جعبه‌سيندن بير اوخ چيخارتدي و يايينا قويوب آتدي. اوخ اوزاقدا بير گيلاس آغاجينا دگدي. گولومسه‌مگي ايله ائله بيل دئدي:»ائلييه بيلردين وقتيني صرف ائده‌سن و اؤزونو خاص بير شئيده موتخصّيص ائده‌سن«. و دئدي:»منيم شکّيم وار سن بونا اوخشار بير ايش گؤره بيله‌سن«. »ذن« موعليمي قالخيب لاقئيدجه‌سينه ياييني گؤتوروب ياخينداکي داغا دوغرو يولا دوشدو. يولدا هر لحظه چؤکوب دوشمک ايمکاني اولان بير ايپ کؤرپودن باشقا آيري کئچيتي اولمايان بير اوچوروم واريدي. »ذن« موعليمي چوخ راحت و آرام کؤرپونون ياريسينا قدر گئتدي، ياييني توتدو و اونا بير اوخ قويوب و آيري طرفده اوزاقدا بير آغاجي نيشانلادي و اوخو آتيب هدفي ووردو. »ذن« موعليمي اولدوقلاري يئره قاييداندان سونرا مهريبانليقلا جوانا دئدي: »ايندي سنين نووبه‌ندي«. جوان چتينليکله گئتدي و گؤزلريني اوچورومون آچيقليغينا زيلله‌ييب آشاغيدا بير نوقطه‌يه ايشاره ائديب اوخونو آتدي، آما اوخ هدفدن چوخ اوزاغا دگدي. جوان قاييداندان سونرا »ذن« موعليمي اونون کناريندا دايانيب و سؤزون خولاصه‌سيني بئله دئدي: »بو بير اينسانين نظم و موراقيبتله اونا يئتيشه بيله‌جگي شئيدير. اولا بيلر سن چؤرک قازانديغين وساييلدن ايستيفاده ائله‌مکده سون حدده‌دک مهارت کسب ائده‌سن، آما بو وساييلي ايشله‌دن ذهني اؤز سيطره‌نه آلا بيلمه‌سن، بو ايشلر فايداسيز ساييلار«.
بولگه لر سرويسي:اوخ آتما موسابيقه‌لري‌نين چوخوندا غاليب اولان شهرين قهرماني، بير »ذِن« موعليمي ايله موباحيثه‌يه باشلادي.