آما حقيقتده بئله بير شئيين حقيقتي يوخدور. اصلاً دونيانين بئله حمله‌نين تنظيمينه گوجو يوخدور. دونيانين قايدالاري اؤز يوللاريندا دوام ائليرلر و بو، بيزيک کي بعضاً اونلارين يولو اوستونده دايانيريق. و يا عکسينه بيز ايسته‌مه‌دن بيريني ناراحت ائديريک. شايد بيرينه دَيميشيق و يا بيري‌نين کاغاذلاري‌نين اوستونه سو تؤکموشوک. او دا اؤز الينده اولماياراق حيرصلنيب.بئله‌نچي شرايطده انسان اؤزونو کنترل ائتمه‌لي و جوّي اوندان آرتيق آلوولانديرماماليدير. او آنلار اوچون بئش ساده يول وار کي ائليه بيلک اؤزوموزو کنترل ائدک و جوّه حاکم اولاق. 1. حسّ ائتک، تأييد ائله‌مگه و جواب وئرمگه واخت قويون:مثلاً بيري سيزه توهين ائدن زمان ايلک ايشيز درين نفس چکمک اولسون. هاواني آغ جيگرلريزه چکين و ائشيگه اؤتورن زمان، توهين ائدن شخصله اؤز آراسينداکي فاصله‌ني حسابلايين. بو فاصله‌ني آرادان آپارين. اؤز حسّلريزي ديله گتيرن زمان اونوندا حسّلرينه دقّتيز اولسون. 2. زهرلي انسانلاردان فاصله‌لي اولون:انسانلارين هاميسي سيزه ضربه وورماق فکرينده دئييل‌لر آما بعضيلري سيزه صدمه وورماقدان لذّت آپارارلار. بيز بو انسانلارين نييه بئله اولماقلاري باره‌ده تحليل وئرمگه و يا اونلارين مرضيني تشخيص وئرمگه احتياجيميز يوخدور. واختيميزي داها ارزشلي زادلارا صرف ائتمه‌لي‌ييک.بيري اؤز عمدي و يا غير عمدي اشتباهلاريندان عذر ايسته‌مه‌سه، بو بير قيرميزي پرچم علامتيدير. و يا بيري سيزين عذروزو قبول ائله‌مه‌سه بو دا قيرميزي پرچم ساييلير. بئله فرض ائله‌يين اوشاق اوينونودور و او دردسر ياراتماق ايسته‌يير. بوتون گوجوزو بئله‌نچي آداملاردان اوزاقلاشماغا صرف ائدين. آما بو شخص مشتري و يا رئيسيز و يا قاچا بيلمه‌ديگيز هر هانسي بير شخص اولسا اونون ياراتديغي دردسرلردن لذّت آپارين. 3. مقابل طرفي درک ائدين:اؤزوزو اونون يئرينه قويون. اونون مشکلونو حل ائله‌مگه يول آختارين. باخين گؤرون اونون اورگيني سينديرمادان سؤزله اونو آراملادا بيلرسيز. بعضاً بالاجا گولومسه‌مه اونو بحراندان قورتارا بيلر. 4. اؤز گوونيزه اعتبار وئرمک اوچون اؤزگه‌ني معيار بيلمه‌يين:اؤز گوونيزي ياخشي درجه‌ده ساخلاماق اوچون دوستلارا و اطرافداکيلارا دايانساز، اونلارين گليب سيزه ضعيفلتمگه قاپيني آچيق قويوبسوز. سيز قاپي‌نين آچاريني اؤز شادليق موتوروزا تاپيشيرماليسيز. اؤز ايچيزده اؤزوزه اعتماد و عشقي يارادا بيلمه‌سز، اطرافداکيلارين هيجان دالغالاريني آلاجاقسيز. اطرافداکيلارين چوخو دا سيزي تماماً تانيميرلار و احتياجلاريزين نه اولدغونو کامل بيلميرلر.گولون، اؤزوزو سئومک و عاشق اولماق حسّيني اؤزوزده تقويت ائدين کي اطرافين يوللاديغي دالغالار چوخ کيچيک و اهميتسيز گؤرونسون. 5. اؤزوزدن موغايات اولماغا واخت قويون:پيس بير حادثه و يا گوندن سونرا روحيه‌زي قايتارماغا اؤزوزه شاد برنامه‌لر نظرده آلين و اينديکي زماني درک ائله‌مگه اؤزوزه کؤمک ائدين.
بولگه لر سرويسي:بوتون کاييناتين ال - اله وئريب گونوموزو داغيتماغا مصمم اولدوغو گونلر هر بيريميزين باشينا گله بيلر.