زيرناچي
زيرناچي
1397/11/07
بولگه لرسرويسي: بير گون وارايدي بير گون يوخ ايدي .گون لرين بيرينده زيرناچي بير كيشي وار ايدي .زيرنا چالان ديشي دوشموشدي و كاسيب ليخ بوله سينه بَح زور وئريردي .
سالدي چيخدي گؤردي اؤلمه سي فالماسين نان ياخچي دي .قوللاريني بوش بئكار توولويوب قره گون نن اَل لَش مَح بوله سين يورموشدي .باشينا ويرير كي گئده شاهين يانينا .
شاه قاپي سيندا نؤكرلر اونو گؤروب قووورلار .آمما او اَل لَرين نن قورتولوب قاپيني وئرير تَپي يه .شاه سوروشور : ” بو هاي كوو نَدي دوشوب ؟ “دئييللر : ” آجين بيري گليب دئيير شا ها سؤزوم وار!”شاه دئيير : ” اوسسون . قويون گلسين گؤروم سؤزونون آدي نَدي .”زير ناچي ايچه ري گيريب دئيير : ” بو بير سؤزدي كي فقط گَرَح اؤز قولاغيزا دييه م .
” سورا باشلير آغزين نان چيخاني شاها دئمه يه واوني بير يوللوق يويوب آريتداماغا . شاه گؤرور بو هركس دي جانين نان دويوب دي آمما او قَدَر ده آنناغي واركي بو سؤزلري اوجادان دئمه دي و منيم حؤرمتي مي اؤزگه لر يانيندا سيندير مادي . اونا گؤره امر ائلير كي اونا بير توربا قيزيل وئريب عيز زَت اِحتيرامي نان يولا سالالار .
” وزيرين كي بو ايشه آغزي آچيخ قالميشدي اؤزون يئتيرير زيرناچي يا و دئيير : “سن شاها نه دئدين كي اونا او قَدَر خوش گلدي و بو قَدَر سنه انعام وئردي؟ ” زيرناچي دئدي : ” دييه رم آمما بو ايشين بير آز خرجي وار .
سنه باخاربير توربا قيزيلا . ” وزير دييه ر اوسسون قبول دي.زيرناچي دييه ر : ” قديم لر من شا هين زيرنا مَعَللي مي يديم كي اونا هر زادي اؤرگَت ميشديم فقط قالميشدي بير پوفي كي اوني دئديم . ” وزير اَل چَح مَه دي و دئدي هوهمان گَرَح منه ده اؤرگه ده سن . زيرناچي نئچه موددَت وزيره قوناغ اولوب بوتون هاوالاري اونا اؤرگه دَر .
گون او گون اولار كي بير گون شاه ،وزيري نن چيخار شيكارا .شاهلار آييغ اولا للار و گؤره ركي بيرشئي اونون پالتاريني بَح شيشيديب دي . سوروشار : ” نه دي او كئف ده ديح دوروب شيشيب دي .” وزير دييه ر : “قربان ائله سيزين كينه تاي بير شئي دي . ” شاه تَعَججوب ائلي ييب دييه ر : ” چيخات گؤروم نئجه بير شئي دي . ” شاه گؤره ر بير اوزون زيرنادي و دييه ر :” حتمَن كي گتيريب سن چالاسان ! پس چال گؤروم نه جور چاليرسان .
” وزير باشلار سن به يه نن بير گووه ح هاواسي چالماغا و بوتون نؤكر لر دوشه للر اويناماغا . شاه بوله ركي اولا اولمويابو ايش حيكمت سيز دَ يي . سورا باشلار وزيري سوحمه يه و اودا اولوب گئچن لري آننادار . شاه شيكار دان واز گئچيب دستور وئره ر هاممي قئييتسين قصره .
سورا بيرين يوللار زيرناچي نين داليجا و او قصره گلينجه امر ائله ر كي وزيري نن زيرناچي ، ليباس لارين چيخارديب بير بيري لري نن دَييشه لر . سورا شاه اوزوني وزيره توتوب دييه ر : ” بو گون نن سن قصرين زيرناچي سي سان و زير ناچي دا بو هوش باشي نان منيم وزيريم .” بئله لي يه نن ناغيل قورتولار آمما او هارا كي بير زادي گؤره سن او هارا كي ائشيده سن .
منبع :