بولگه لر سرويسي: کئچن گئجه نوبار ننه‌م يئنه‌ده يوخوما گلميشدي. همان گئييم- کئچيمده. هميشه اولدوغو کيمي. آغ آپباق چارقادين چکيب چنه‌سي‌نين آلتيندا سانجاقلاميشدي. گؤزو ايشيم- ايشيم ايشيلداييردي. سانکي يئنيجه گؤز ياشي‌نين گؤلونده يويونموشدو. آي شافاقلي اوزونده يانان ياناقلار ياي آلماسيني يادا ساليردي. چارقاد آلتيندان قيزاران خينالي ساچي قيريشميش آلنينا ايشيق ساچيردي. نوبار ننه هميشه‌کي کيمي‌ايدي.