- ياتميش بختيمي تاپيب, اوْياتماغا گئديرم.قوُرد دئدي:- بس بخت اليوه دوٍشسه, منيم ¬ده بير دوٍيونوم وار, اوْنون آچماغيني خاهيش ائله!کيشي سوْروشدو:- دوٍيونون نه¬دير؟قوُرد سؤيله¬دي:- چوْخداندير کي باشيم آغرييير, اوْنون درمانيني سوْروش!

بو سؤزه "باش اوٍسته" دئيَن کيشي يوْلا دوٍشدو. گَل, ها گَل بير اکينچي کيشي¬يه چاتدي. اوْنونلا دانيشاندا و هارايا گئده-جه¬ييني سؤيله¬ينده, اوْ کيشي دئدي:- قارداش, آللاه ايشيوي راست گتيرسين, ياخشي يوْل  اوْلسون, آمما منيم ¬ده بير درديم وار, اوْ دا بودور کي, بوُ زمي¬نين آراسي ياخشي حاصيل وئرمير, قوُوات¬ دا وئريرم, ياخشي ¬دا شوْخوم, پَرشوم ائليرم؛ آمما فايدا وئرمير کي- وئرمير. بونون دا عيلّتيني سوْروشارسان! کيشي اوْنون ¬دا تاپشيريغيني قبول ائديب گئتدي. بيرگوٍن بير پاديشاها راست گلدي. پاديشاهين باشيندا آغير قوْشونو واريدي. بونو گؤرن پاديشاه دا هارايا گئتمکده اوْلدوغونو سوْروشدو. کيشي اوْنا دا,- بختيمي اوْياتماغا گئديرم,- دئيه, جاواب وئرنده, پاديشاه دئدي:- من هر پاديشاهلا ساواشا گئديرمسه, اوْنون قوْشونو منيم قوْشونوما اوٍستون گلير و من سيٌنيق قوْشون¬ايله گئري قاييديرام. بونون عيلّتيني بيلمک ايستيرم.

کيشي, باش اوٍسته اوْنو دا سوْروشارام, دئييب, اوْرادان دا يوْلا دوٍشوب گئتدي. يوْل اوزونو بير آلما آغاجينا چاتدي. آغاج¬ دا اوْندان سوْروشدو:- آي کيشي, هارايا گئديرسن؟کيشي مقصديني اوْنا دا دئينده, آلما آغاجي سؤيله¬دي:

- منيم ده بخته سؤزوم وار, هر ايل گوٍل آچيرام, آمما گوٍللريم آلما اوْلمايير, هاميسي تؤکولورلر.- بونو دا سوْروشارام,- دئيه¬, کيشي يوْلا دوٍشدو. نئچه گوٍن يوْل  گئدندن سوْنرا بختيني تاپيب دئدي:- داها بوندان آرتيق دؤزوموم يوْخدور, تئز اوْل, دوُر آياغا!بختي آياغا قالخان کيمي, کيشي قوُردون, اکينچي¬نين, پاديشاهين و آلما آغاجي¬نين ¬دا سؤزلريني بخته دئييب, جاواب ايسته¬دي. کيشي¬نين بختي دئدي:

- قاييداندا, آلما آغاجينا دئيرسن کي, ريشه¬لري¬نين آلتيندا بير کوٍپ قيٌزيل وار, اوْ قيٌزيللار چيٌخاريلسا, حاصيلا دوُرا بيله-جکسن؛ پاديشاها دا دئيرسن, سن بير قيٌزسان و اره گئتمه¬يينجه, هئچ پاديشاهلا موٍحاريبه¬يه گيره بيلمزسن؛ اکينچي کيشي¬ده زمي¬سي¬نين آراسيندا اوْلان قيٌزيل خزينه¬سيني چيٌخارتماليدير, يوْخسا حاصيل گؤتوره بيلمه¬يه¬جکدير. آمما قوُردا دئيرسن کي, سن بير آخماق آدامين بئينيني يئمه¬ليسن, يوْخسا خسته¬ليک سني بوُراخماياجاقدير.کيشي باش اوٍسته دئييب, آياق اوٍسته قوْيدوغو بختيندن آيريلدي. گليب آلما آغاجينا چاتيب دئدي:- سنين کؤکلرين آلتيندا بير کوٍپ قيٌزيل واردير, اوْ, چيٌخاريلماسا, آلمالارين ساخلايا بيلمه¬يه¬جکسن. بونو ائشيدن آغاج دئدي:- بئله¬ديرسه, گل, قاز, چيٌخارت, آپار اؤزووه!کيشي بو سؤزون جاوابيندا بئله دئدي: - منيم بختيم دوُرماميش اوْلسايدي, اوْلاسي¬ايدي؛ آمما ايندي بئله بير شئيلره آغيز بوُلاشديرمارام. اوْ, اوْرادان يوْلا دوٍشوب گئتدي. پاديشاها چاتاندا, اوْنون گليشيني گؤزله¬ين پاديشاه,- هه! نه دئدي؟ سؤالي وئرنده, اوْ بئله سؤيله¬دي:- جاوابيني تکجه اؤزووه دئيه بيلرم.- شاه قوْشوندان آرالانيب, اوْنون يانينا گلنده, اوْ دئدي:

- سن بير قيٌزسان و اره گئتمه¬يينجه سنين اوْردون, هئچ پاديشاهين اوْردوسونو باسا بيلمه¬يه¬جکدير.

قيٌز بو سؤزو ائشيدنده دئدي:- دوٍزدور, آمما هئچ کس بونو بيلميردي, سن کي بيلدين, گل مني آل, و کئفيله, داماقلا سارايدا ياشا! - اوْ کيشي جاواب وئردي:- شانسيم قالخماميش اوْلسايدي, يئنه بير سؤز ايدي. ايندي¬کي, منيم شانسيم قالخيب, سن-ايله ائولنمه¬يه ائحتياجيم يوْخدور.

نهايت اوْندان دا آيريلدي و گليب اکينچي آداما چاتدي, اوْنا دا,- زمي¬نين آلتيندا قيٌزيل خزينه¬سي وار,- دئيَنده, اکينچي دئدي:- قارداش, يئر مندن, ايش ده سندن, گل چيٌخارت, ياريسي سنين اوْلسون, ياريسي دا منيم!آمما کيشي اوْنا دا بختي¬نين قالخماسيني خاطيرلاديب, بئله بير شئيلره احتياجي اوْلماديغيني سؤيله¬ييب گئتدي.

نهايت قوُردا يئتيشدي, قوُرد سوْروشدو: - هه نئجه اوْلدو, نئجه گئتدين, نئجه گلدين؟کيشي دينجلمک اوٍچون يئره چؤنبه-ليب دئدي:- تکجهد سن¬ايله من دئييلديک کي, بخته دئمه¬لي سؤزو اوْلسون, اکينچي, پاديشاه, آلما آغاجي¬نين دا سؤزلري واريدي کي, بير- بير سوْروشوب, جاوابلاريني گتيريب وئرديم. مثلَن آلمانين گوٍللري¬نين تؤکولمه¬سي¬نين سببي, کؤکلري-نين آلتيندا باسديريلميش قيٌزيل کوٍپويدو کي, آغاج هر نه يالواريب,- چيٌخاريب اؤزونه آپار!- دئديسه,- منيم بختيم اوْيانيب, اؤزومه زحمت وئرمه¬يه گلمز,- سؤيله¬ديم. پاديشاهين دا قيٌز اوْلماسي دوٍشمانلاردان سيٌنماسينا سبب اوْلوردو کي, بير کيشي¬ايله ائولنمه¬يي گرَک¬ايدي. اوْ, من¬ايله ائولنمه¬يه يالوارديسا, من,- بختيم دوروب,- دئيه, بوُ ايشه راضيلاشماديم. اکينچي¬نين ده يئري¬نين اوْرتاسيندا قيٌزيل خزينه¬سي قوْيمايير يئرده ياخشي اکين بيتسين. بونا گؤره اوْ دا مندن خاهيش ائله¬دي کي, اوْنلاري چيٌخاريب بؤلَک؛ آمما من دئديم:

- داها منيم بختيم قالخيبدير, ائله شئيلره آغيز بوُلاشديرمارام.بوُرادا قوُرد سوْروشدو:- منه نه دئدي:کيشي سؤيله¬دي:- دئدي کي, سن گرَک بير آخماق آدامين بئينيني يئيه¬سن, يوْخسا علاجين يوْخدور.بونو ائشيدن قوُرد کيشيني باسمارلاييب دئدي:- بير آدام کي قيٌزيل کوٍپونو چيٌخارتماسين, شاه¬ايله ائولنمه¬سين, يوْلونون اوٍستونده قيٌزيل خزينه¬سيني ياريليغا بوُشالتماسين, اوْندان آخماق آدام هاردا تاپيلار؟ ائله من سني يئيه¬جه¬يم. اوْ, بو سؤزلري دئيه- دئيه کيشيني پارتاخلاييب يئدي.