سون رومان

بولگه لر سرويسي: -چون قورخورلار اونلارين حقيني‌دير‌يلدنلره قوشولوب اوندان قدرتين گؤزوندن دوشه لر. آما او بيريلر گودورلر او وارلي آدامدان اونلارا بير تيکه يئتيشه. بلگه‌سَللره باخسان گؤررسن. آصلان اوولاييب يئنيده کافتارلار و قوزقون-لار گودورلرکي او يئييب چيخيب گئده، اوندان اونلار او لئشدن بير تيکه پاي گؤتوره لر.

سعيد فيوضات

بولگه لر سرويسي: -چون قورخورلار اونلارين حقيني‌دير‌يلدنلره قوشولوب اوندان قدرتين گؤزوندن دوشه لر. آما او بيريلر گودورلر او وارلي آدامدان اونلارا بير تيکه يئتيشه. بلگه‌سَللره باخسان گؤررسن. آصلان اوولاييب يئنيده کافتارلار و قوزقون-لار گودورلرکي او يئييب چيخيب گئده، اوندان اونلار او لئشدن بير تيکه پاي گؤتوره لر.
– مهندس آما ائله بيل سن هئچ کيمدن خوشون گلمير!
– هئچ اولماسا من بو تاريخده ياشاييرام. مني ائشيکدن ده يانديريرلار، ايچريدن ده يانديريرلار. امکداشلاريم کيمدير؟ ائله سنه دئديگيم آداملار. داها بير جوره سينسيميشم بو شهردن کي هئچ ائودن ائشيگه چيخماق ايستهميرم.
– باري گزمه‌يه چؤلگو گئت! به قاباقلار کيمي نييه داغا گئتميرسن؟
– نييه بير گون هفته‌ده گئديم چؤله اوندان قاييديب همان مصيبتي شهرده باشلاييم ياشاماغا؟ بو بير راديکال سؤزدور آما دلوز دئييبدير بو سؤزو!
– آما مهندس بورا اؤز آراميزدي سن بو عنتيقه سؤزلر دانيشانلارا چوخ‌دير‌ وئريرسن اونون بونون سؤزلري ايله اؤزونه شکنجه وئريرسن! منجه بو سؤزلرين چوخو گرک اصلاح اولا.
– بهَيم اصلاح ائليرلر؟ ايکينجي دونيا ساواشيندان سونرا فيلسوفلار علمه پيس باخديلار. علمين وظيفه‌سي نه-ايدي؟
بمب دوزلتمک؟ اتم بمبي دوزلتمک؟ سياسي سورتوشمه‌لر ياراديب پوليسه آرخالانان حکومتلري ياراتماق؟ علم خلقين عوضينه باشلادي حاکميتلره کؤمک ائله‌مه‌يه. علم قدرته ساري سمتيرله‌دي. دئمک بير دَيه‌نک اولدو. کمپانيلر توليد ائديرلر آما توليدلرينين ايراديني بيلندن سورا اونو اصلاح ائتمه‌يه چاليشيرلار مي؟ منجه يوخ؟ نئيله‌ييرلر؟ تزه وئرژن آديندا بير محصول وئريرلر بازارا. من له ده سن گئديب او يئني وئرژني ذوق ايله آليريق. اوندان نئچه آيدان سورا تزه وئرژن گليب بيز آلديغيميز محصولو سيره‌دن چيخاردير. اوندا نه دئييرلر؟ دئييلر گليشميش مدلي وئرديک بازارا. بو گليشمک دئييل، بو يالان دئمک‌دير‌. بو کمپانيلر بئله دئمه‌لي‌دير‌لر کي بيز بو محصولو اصلاح ائله‌ديک. قديم محصولوزو وئرين، تزه محصولو آپارين بير ده کي بو قدر حق الزحمه!
– آما مهندس منيم گله‌جه‌يه اومودوم وار. ايندي هامي دانشگاهدا درس اوخور. هامينين بيلديکلري آکادميک اولوب. اينترنت ياييليب. منجه گئده گئده بونلارين هاميسيني باشا دوشجکلر.
– آي منيم دوستوم. نئچه ايلديلر اينترنت وار؟ هئچ اولماسا اون بئش ايل. بو قدر اطلاعات بمباراني اولوب آما جماعتين ذائقهسينه تأثير قويوب؟ قدرتلره معطوف اولماق چوخاليب چوخالماييب؟ رياکارليق چوخاليب چوخالماييب؟ دوزدور قديمکي مريض چيليکلره واکسن تاپيليب آما همان انسان اوغلو بوگونکو کرونانين قاباغيندا عاجيز قاليب. ايندي کرونانين واکسني بير سياسي مسئله‌يه دؤنوب. اصلينه باخساق بو گون علم انسانين سدي اولوب.
– مهندس قوي سني قورتاريم. بابا هرنه الله دئيه‌جک او اولاجاق نييه اؤزونو اينجيديرسن.
– اوندا قوي سنه سنت آگوستيندن دانيشيم. ياراديليش دستاني بوتون دينلرده وار و آزدان چوخدان بير بيرينه اوخشاييرلار. تاري کيشي آلتي گون يارادير و يئددي – جي گون دينجيني آلير. اونا گؤره هفته‌ده بير گون تعطيل اولور. بيز اينسانيق. بئله باشا دوشوروک کي تصميم توتاندا تغيير تاپيريق. ياني انسان تصميم دوتاندا تغيير تاپير. الله سن ازلي و ابدي سن، انساني ياراتماغا تصميم توتاندا تغيير تاپيپسان؟ دونياني ياراتماقدا تغيير تاپيپسان؟ بو بير سوال‌دير‌ کي بير قديس سوروشور. ماترياليستلر بئله بو سوالي سوروشا بيلمه‌ييبلر. دئييرلر سن ابدي و ازلي سن. سن بيليرسن بيزيم کئچميشيميزي و گلهجه‌ييميزي. سن اوندا نييه بيزدن امتحان آليرسان؟ ابنسينا نين نه امتيازي وار؟ مهندس سن بيليرسن؟ نه امتيازي وار؟
– مهندس من هاردان بيله‌جه‌يم؟ بيرده‌کي من او کيتابي اوخوموماميشام آخي!
– به ايندي نئجه؟ اينديکي بيلدين؟ ايندي ده فيکرين يوخدور؟ به نه جور اولور خيامين شعرلرينه قولاق آساندا هاميز به به دئييرسيز! اونو عارف بيلرسيز. بودا قديس‌دير‌ دا. عؤمرونو دين يولوندا قويوب. حتما بير شئيلره استنادي وار. آما اصل سؤز بودور، اوندا تفکر نشانهسي وار مي؟..
اويناديغيمدا گونش اورتادايدي. باشيمي قالخيزيب اوزاق لاردا بير کند گؤردوم. ياخشي سورونسَيديم گئجهيه يا صاباحا يئتيشرديم. باشلاديم سورونمه‌يه. آما بيردن دايانيب دونوخدوم…
آياغيم بَتر آغرييردي، آما قارداشيم ائله بير باشا دانيشيردي. اَنيمه ده دئييردي، اوزونوما دا. دئديم: »قارداش يامان آغريم وار«.
قارداشيم دئدي: » سن ده ددم کيمي اؤزونو قششه وورما، دوزوملو اول بير آز. سنين لاپ بؤيوک دردين آلاهي بير شئي‌دير‌ سنين دردين بودور کي هر بلا کي باشينا گلير، اونو بونو گوناهلانديريرسان. نه قدر اؤز ياهالماقلاريني اونون بوينونا ييخاجاقسان؟«.
آغاغيمين آغريسي بير يانا، قارداشيمين بو سؤزو مني ايلان کيمي چالدي. ائلهکي داها آياغيمين آغريسيني اونودوب دئديم:
« يوخ قارداش تزه بير شئيلر باشا دوشموشم، اونو بونو گوناهلانديرماق اولماز. هر حادثه کي باش وئرير هامينين اوندا پايي وار.
دئدي: » به به به! ايستيرديک قاشين دوزلدک ووردوق گؤزون چيخارتديق. نييه ايسته‌ميرسن اؤز گنواهلاريني بوينونا آلاسان.«
دئديم: » دور آي قارداش. من اؤز گوناه لاريم سهلدي بئله لاپ هيتلرين ده گوناهلاريني بوينوما آلماغا حاضيرم.«
دئدي: »ماراقلي‌دير‌!«
دئديم: » دئ گؤروم هيتلرين چيخيشيندا واونون يوکسلمه‌سينده هئچ کيمين پايي يوخ ايدي؟ ياني هيتلر ائله گوبلک کيمين بيردن يئردن چيخدي؟«دئدي: »به سن او قانونو بيلميرسن کي بير بللي گوناها گؤره، اگر گوناهکار تاپيلدي بو او دئمک‌دير‌کي باشقا لاري تبرئه اولورلار؟ بو بوتون دونيا ياسا لاريندا وار. ياني صالحه محکمه نين قراري سون قرار‌دير‌.«  آردي وار

منبع :