تاختالي کؤيدن مکتوب‌لار

بولگه لر سرويسي: کئچن‌مکتوبومدا نئجه اؤلدويومو، داها دوغروسو يولون‌کنارينداکي خندکده اوزانيب قالديغيمي يازديم. اصل هنگامه بوندان سونرا باشلادي. يولدان اؤتوب‌کئچن‌لرين هاميسي باشيما توپلاندي. اونلاردان بيري: ـ »بيز نه تهر آدام‌لاريق؟!« ـ دئيه باغيردي ـ »گؤزوموزون قاباغيندا آدام اؤلور هئچ‌کسين توکو ده ترپنمير.« باشقا بيريسي: ـ‌‌ »دوزدور«ــ دئيه،

يازار : عزيزنسين
چئويرن: اسماعيل شيخلي
 

بولگه لر سرويسي: کئچن‌مکتوبومدا نئجه اؤلدويومو، داها دوغروسو يولون‌کنارينداکي خندکده اوزانيب قالديغيمي يازديم. اصل هنگامه بوندان سونرا باشلادي. يولدان اؤتوب‌کئچن‌لرين هاميسي باشيما توپلاندي. اونلاردان بيري: ـ »بيز نه تهر آدام‌لاريق؟!« ـ دئيه باغيردي ـ »گؤزوموزون قاباغيندا آدام اؤلور هئچ‌کسين توکو ده ترپنمير.« باشقا بيريسي: ـ‌‌ »دوزدور«ــ دئيه،
– يالان دئييرمسه ناموسسوز اؤلوم،‌مملکتده انسان قالماييب. بورايا بو قده‌ر آدام توپلانيب، آما‌ايچينده بير انسان اوولادي يوخدور‌کي بو يازيغا‌کمک ائله‌يه.– سن نييه‌کمک ائله‌ميرسن، سن انسان ائولادي دئييلميسن؟– منيم‌ايشيم وار، يوخسا ياخينداکي‌ايجراخانايا گئديب خبر وئررديم.– ايشيم وار، نه‌ايشين وار؟ ياريم ساعات‌دير آغزيني آچيب بويلانيرسان.
اوندان سونرا اووولتو باشلادي. سس‌لر بير ـ بيرينه قاريشدي.– بير حکيم تاپين، بو قده‌ر آدامين‌ايچينده بير حکيم يوخدور؟
– هاميسيندان ياخشيسي بورالاردان بير يئردن تلفون ائله‌مکدي.– عزيزيم، سن بيزيم تلفونلارا بلد دئييلسن؟ تلفون ائله‌يينجن، اوردان بير جاواب آلاناجان اؤلو چوخدان جانيني تاپيشيرار.
– اؤلمک جهنم،‌من تلفوندا جاواب گؤزله‌ينه‌جن اؤلونو قورت ـ قوش يئير. هئچ تيکه‌سي ده اله گلمز.‌اينديکي زامانادا تلفونلا دانيشيب بير ـ يئره زنگ ورماق‌مصيبتدير.
– واي ـ واي،‌کيشي گؤزوموزون قاباغيندا جان وئرير.– واللاه قارداش اانصاف قالماييب.
– واللاه شاعير دوز دئييب.– »انصاف قالماييب بني آدم‌ده / آنام آغلادي آجي باده‌م‌ده«
باشقا بير دلي قانلي سؤزه قاريشدي.
– آوروپادا، آمريکادا بئله شئي اولا بيلمز. اورالار چوخ‌مدني اؤلکه‌دي‌لر.– ايندي سن، نه دئمک‌ايسته‌ييرسن؟ سؤزوندن بئله چيخيرکي، بيزيم اؤلکه‌مدني اؤلکه دئييل؟‌کيشي سن، بو قدر جاماعاتين قارشيسيندا سؤزونو بيرده دئ!
– من ائله دئمک‌ايسته‌ميرم.– سيز آللاه دالاشمايين،‌کيشي اؤلور، بير‌ايش گؤرمک لازيمدير.– آوروپادا اجتماعي يارديم تشکيلاتلاري وار.‌کوچه‌ده بير‌ايت ييخيلسا، در حال‌ماشينا قويوب‌ايتلرين خسته‌خاناسينا آپاريرلار.بير باشقاسي اونا جاواب وئردي:
– گوپا باسما، ائله شئي يوخدور. آوروپادا و آمريکادا هئچ‌کس، هئج‌کسين‌ايشينه قاريشماز. هره‌نين باشي اؤز‌ايشينه قاريشيقدير. يانينداکي:» اؤلورم بير‌ايچيم سووئر« ـ دئيه يالوارسا بئله‌محل قويمازلار.– باشا دوشدون؟– سيز آوروپاني گؤروبسونوز، بئله دانيشيرسينيز؟
– گؤرمه‌ميشم.– بس…– گؤره‌نلردن ائشيتميشم. بيرده قزئت‌لرده اوخويورام. سن گؤرموسن؟
– البته‌کئچن‌ايل بيزيم تشکيلاتين اؤزونه يارديم درنه‌يي آغ دنيزه اون بئش گونلوک گمي‌ايله سفر دوزلتميشدي. يونانستاني،‌ايتالياني، اسپانياني، سونرا جانيم سنه سؤيله‌سين آدي ياديمدان چيخيب، نه‌ايدي آدي اوراني باشدان ـ باشا گزديک. اوروپاني گزن آدامين حالي يامان‌دييشدي.– اوروپاني گزيب دولاشاندان سونرا اؤيرنديم‌کي …– اه،‌ايچيميزده هئچ بير وجداني اولان يوخوموش.– اولسا نه چيخار؟
– ثاواب ائله گئت بير يئردن تعجيلي يارديم چاغير.– اوروپادا آمريکادا اؤله‌نين ـ قالانين‌ايشينه هئچ‌کس قاريشمير.–
 نييه قاريشميرلار؟ اونا گؤره‌کي‌مدني اؤلکه اولدوقالاريندان بئله‌ايشلره قاريشماق اوچون خصوصي آداملار‌اييريب‌لار. يول دا ييخيلانلاري، خنده‌يه دوشنلري، ييخيليب اؤلن‌لري و اؤلمه‌ين‌لري آپارماق اوچون خصوصي تشکيلات وار. بيزده‌کيمي آدام اؤلنده باشينا ييغيليب نئجه اؤلمه‌سينه تاماشا ائله‌مزلر. چيخيب گئدرلر.
– اونلاردا انسانليق قالماييبميش‌کي… انسان اؤله‌نين يانيندان نئجه اؤتوب‌کئچه بيلر. هئچ اولماسا دونوب باخمازمي؟
– بو‌ايشلره‌کيم‌لر‌مشغول اولارسا، اونلار دونوب باخيرلار و نه لازيمسه، اونو دا ائله‌ييرلر.
– بو يازيغين ياخاسيني آچماق لازيمدير.
– هاميسيندان ياخشيسي‌ماساژ ائله‌مکدير. بير آدام اونا‌ماساژ ائله‌سه‌کؤمه‌يي ده‌ير.
– اللريني، قول‌لاريني اويناتسالار، سينه‌سيني بير آز اووخالاسالار، اؤزونه گلر.
– نه‌ماساژ بازليغي‌دير، جانيم،‌کيشي اؤلوب. سن ده باشلاميسان…– واي سنين، دوغرودان اؤلوب؟
– نييه تعجب ائديرسن؟– بير آز اول‌ديري‌ايدي.– جان دئدييين بير قوش دور. بير گؤز قيرپيميندا گوب گئدير.– هاميميزين سونو بودور.
– بيزدن آدام اولماز قارداش، بو قده‌ر آدم بو يازيغين باشينا توپلانميشيق، آما هئچ‌کس اونا‌کمک ائله‌مير.‌مگر بو انسانليق‌دير؟
سؤزون دوزو، باشيما توپلاشانلارين صحبت‌لري چوخ خوشوما گليردي. بئله‌ايش‌لرين بو قده‌ر‌ايلنجه‌لي اولدوغونو بيلسيئديم جانيم سيخيلان واخت شهرين ازدحاملي يئرلريندن بيرينده‌کوچه‌يه اوزانيب اؤزومو اؤلموشلويه وورارديم،
 آما‌ايندي بو خندکده، بو اويونو آچا بيلمزديم. چونکي دوغرودان اؤلمه‌يه سؤز وئرميشديم، اؤزو ده جاماعات‌ايچينده سؤز وئردييمدن دؤنوکلوک ائله‌يه بيلمزديم. باشيما توپلانانلاردان واجب‌ايشي اولانلار ياريم ساعات سورغو ـ سئوال‌دان سونرا‌منيم حاقيمدا بعضي شئي‌لر اؤيره‌نيب گئديرديلر و اوزون صحبت‌لردن يورولوب بئزن‌لر ده گئديرديلر.
آنجاق هر گئده‌نين يئرينه دورد ـ بئش آدام گلدييندن، باشيما ييغيلانلارين سايي داها دا چوخاليردي. اؤلومو گؤرمک اوچون‌ايته‌لشير، چيغير ـ‌باغير ساليرديلار. بير قادين اؤنونده‌کي اوشاغي‌ايته‌له‌ييب سؤيله‌دي:
– بيرقاريش بويو اولان اوشاغين بئله يئرلرده نه‌ايشي وار؟
بيرکيشي درحال اونا همه دوردو:
– تربييه قالماييب ـ دئدي ـ سؤزده « وطنه ائولاد بؤيودوروک »دئييرلر، آما‌کوچه‌يه آللاه اوميدينه اؤتورورلر.– دونيادا نئجه آتالار وار؟
اوست باشيمي قاش ـ گؤزومو يوخلايانلاردان بيري ديللندي:– آياق قابيلارينا باخين! چکمه‌نين بيرينين باغي قارادير، اوبيري قهوه‌اي. ائله اوتانديم‌کي بير‌ايسته‌ديم ‌اياغيمين بيريني گيزله‌ديب چکمه باغيمين ‌آيري رنگده اولدوغونون اوستونو اؤرت ـ باسدير ائده‌م. اما اؤلموش اولدوغومو ياديما ساليب قيميلدانماديم. بئله ائتسئيديم عاييب اولاردي. ائله بئله بو واخت آنلاديم‌کي بير‌ايشي گؤرمزدن اول عمللي ـ باشلي دوشونوب دانيشماق لازيم‌دير. اگر اؤلجک سنسه اؤلمزدن اول يئره اوزاناندا نئجه گؤرکم آلاجاغيني فيکيرلشمه‌لي و او شکيلده ده يئره اوزانمالي‌سان.‌
 منسه خنده‌يه اوزاناندا، هم‌يئرلي‌لريمين چکمه‌لريمين باغلاري‌نين ‌آيري- ‌آيري رنگده اولماسينا فيکير وئره‌جک‌لريني هئچ آغليما گتيرمه‌ميشديم.
اوست باشيمي يوخلايانلاردان بيري:
– ‌مرج گلره‌م – دئيه، ‌اياق‌قابي‌سينا آن آزي اوچ دفه پنجه – دابان ساليبلار. حاليما آن چوخ آجييان انليک‌لي ـ‌کيرشانلي ياشلي بير قادين‌ايدي.
– به‌به، نه اوزون، نه قيوريم‌کيرپيک‌لري وارميش ‌ماشاللاه، آما حيف … بو انسانلار بير ـ بيرينه هئچ بنزه‌ميرلر.‌کيميسي ساچ وورغونودور،‌کيميسي ده‌کيرپيک. بو قوجا آروادين اوزون‌کيرپيک‌لي‌کيشي‌لردن خوشو گلدييي هئچ آدامين آغلينا گلمزدي.– شالواري‌نين باقلاري ‌ديديک ـ- ديديک‌دير.– ژاکئتي‌نين ‌ديرسه‌يي ده سورتولوب.– ‌نه دئييرسيز؟– نه ائده‌ک؟– تشکيل ائله‌مک لازيمدير ‌مئيدي گؤتورسونلر.
– خبر وئره‌ک، حکيم زاد چاغيرسين‌لار.– يازيق، گؤز گؤره ـ‌ گؤره اؤلور.– باخ گؤره‌ک نفسي گليرمي ؟– گلسه ده گلمه‌سه ده بيز اوز انسانليغيميزي بيلديرمه‌لي‌ييک.
– نئچه ياشي اولار دئييرسينيز؟
– قيرخ ـ قيرخ بئش.
– چوخ اولسا ــ اولسا، اوتوز اولار.
– من انسان صرافي‌يام، صيفتينه باخان‌کيمي‌کيم‌ليييني تعيين ائله‌ييرم. آزمعاش آلان‌کيچيک بير ماموردور.
– منده او فيکيرده‌يم، هم يازي ــ پوزوايله ‌مشغول‌ايميش.
– هاردان بيلدينيز؟
– گؤرموسن‌مي، ژاکئتي‌نين‌ ديرسک‌لري سؤکولوب.
– بويودا بالاجادير.
– اوندان ياشيني بيلمک اورلارمي؟
– ‌من سنه بير شئي سؤيله‌ييم. اؤز عجه‌لي‌ ايله اؤلن آداما تاماشا ائله‌مک لذت وئرمير. آما دار آغاجيندان آسيلان آداما باخماغين ‌آيري ذؤوقو وار.
ظنيمجه، آلتي ساعاتدان آرتيق خندکده قالديم. چونکي گونش آرتيق باتماق اوزره‌ايدي. هم‌يئرلي‌لريم بؤلوک ــ بؤلوک گليب ‌مئييديمي سئير ائتديلر. هاميسي دا حاليما آجي‌دي ! پيس آدام اولدوقلاريندان،
 بير ــ بيريميزه‌کمک ائتمه‌ييميزدن دانيشديلار، حئيفسينديلر. حتي، بو‌ ايشه گؤره پيس آدام‌لاري يامانلاييب، سؤين‌لر ده اولدو.‌ مني بورادان گؤتور ها ـ گؤتورده‌ معليمه بنزتدييم بير آدام‌ ديللندي:
– خبريم اولسايدي، اوشاق‌لاري گتيررديم، انسانين اؤلدويونه باخارديلار.
بير باشقاسي دا سؤزه قاريشدي:
– نه اولوب، اؤلو زاد گؤرمه‌ييب‌سينيزمي، نه ييغيشيب‌سينيز بو يازيغين باشينا ؟ – دئيه، جاماعاتي داغيتماق ‌ايسته‌دي.
توپلاشانلاردان بيري ده ‌ديللندي:
– ‌آي جاماعات، قالماقال سالمايين، نؤوبه‌يه دورون، سيرا ايله دايانين، اوندا هاميميز اؤلونو گؤره‌ريک. او، سسيني اوجالديب نؤوبه دوزلتمه‌يه باشلادي! ‌مني تعجيلي يارديم ‌ماشينينا قوي ها ـ قوي دا ‌مزه‌لي بير آدام جاماعاتي ياريب اؤزونو‌ ايره‌لي سوخدو:
– – بير دقيقه دايانين، سيز آللاه، قويون‌ من ده باخيم، قاچا ـ قاچا گلميشم‌کي اؤلويه باخيم.
– قوهوموندو، يوخسا تانيشين؟ ـ دئيه هر طرفدن سوروشدولار.– يوخ جانيم ائشيتديم‌کي، بورادا آدام اؤلوب، ‌ماراقلانيب باخماغا گلديم.
– چوخ تأسف‌کي، هر شئيله ‌ماراقلانان هم‌يئرلي‌لريمين هاميسي ‌مئييديمي گؤره بيلمه‌دي. ‌ماشين ترپندي. اوشاقلاردان، بير نئچه ده‌لي قانلي اوغلان،‌ ماشي‌نين دالينجا خئيلي قاچديلار. سونرا باشا دوشدولرکي، ‌ماشينا چاتا بيلمه‌يه‌جک‌لر، يورولوب دايانديلار.
تعجيلي يارديم ‌ماشينينداکي سياحتيمي ـ دوغرودان دا بو سياحتيمي ـ‌ گله‌جک ‌مکتوبومدا يازاجام. سنه سالام گؤندرير و عئينيندن، گؤزلريندن اؤپورم.

منبع :