نيگار نوروزينيگار نوروزي
بولگه لر سرويسي:گؤزومو تهراندا آچميشام و ايکي توپلومدا بويا- باشا چاتميشام: بيرينجيسي بؤيوک بير شهرده »قوناق« وطنداش کيمي؛ ايکينجيسي‌ايسه قوهوم- اَقربادان اوزاقليق دويغولاريني آزالدان دوستلار آراسيندا. بو گونه قدر هئچ وقت کوچه ده »قاچان- قاچان« اويناماديم، آنجاق چوخ وقت‌لري »گرگم به هوا« اويونلاري ايله اوشاقليقدان لذت آلديم. يالنيز ايلده بير ايکي دفعه قوهوم‌لاريمين ياشاديغي يئره بير نئچه گونلوک »قوناق« گئتديگيم زامان، بو اويون‌لارين داديني چيخارديرديم. اورتا مکتبي اوخويارکن باکيلي بير موسيقي معليميمين صميميتيندن تکجه موسيقي درسي يوخ، حيات و مدنيت درسي ده آليرديم. من باشقالاري ايله فارسجا دانيشاندا منه گولومسه‌ييب دئييردي: »باخ، سن نه گؤزل فارسي دانيشيرسان! من نه وقت‌دير بوردا ياشاييرام، اما هئچ سنين کيمي دانيشانميرام. بيليرسن، هر انسان کي بير ملتين موسيقيسيني، کولتورونو، تاريخيني و ديليني باجاريرسا، اوندا او ملته ده عايد بير وطنداش ساييلير.« معليميمين سؤزوندن بئله باشا دوشدوم کي تکجه کؤکوم اولان يئر يوخ، ياشاديغيم شهر ده منيم ساييلير. دانشگاها گئتمک اوچون اوخوياجاغيم شهري اؤزوم سئچمه‌يه قرار وئرديم. ايران آذربايجاني‌نين نماينده‌سي بيلديگيم شهره يول آچماق ايسته‌ديم. منيم هيجانيم بو شهرده ياشاماق اوچون هئچ ده تعجبلي دئييلدي. ياخشي خاطيرلاييرام کي بير نئچه باکيلي هم‌ياشيدلاريملا تانيش اولدوغوم زامان اونلار دا اَن آزي منيم قدر بو شهري گؤرمگه جان آتيرديلار. اونلار دا منيم قدر بو شهري مقدس بيليرديلر. بو خوش دويغولار »هاردا آلني آچيق انسان گؤرسنيز« کيمي ماهني‌لاردان منده يارانميشدي.ايکي ايل بو شهرده ياشاماق خيالي، مني خوشلانديريردي. بهمن آييندا دانشگاهدا آد يازديرماق اوچون يولا دوشدوم. آغ‌لارا بورونن خيابانلاردا اؤز ديليمده آدرس سوروشماق، مني اوچوردوردو. دوشونوردوم »هاردا اوره‌کلرده عصيان گؤرسنيز« شهر منيم ياشاماق ايستهديگيم يئر اولمالي‌دير. اؤزومه، گئري دؤنمه‌مگه سؤز وئرديم. يئني مستقل حياتيما باشلاماق اوچون عايله‌م‌له چوخ تلسيکلي و سويوق وداعلاشيب و اؤيرنجي‌لر ياتاقخاناسينا قاچديم. قيسا بير زاماندا بؤيوک بير دوست گروپو ييغديم و اؤزوم‌له ديلداش اولانلاري اوره‌ييمين باشيندا يئر وئرديم. او شهرين ساکينلريني تانيمادان اوره‌کدن سئويرديم. »بي دنه چؤره‌ک« دئديگيم شاطيري، »اللريز آغريماسين، بوردا دوشورم« دئديگيم تاکسي سوروجوسونو، »اون دنه يومورتا ايستيرم« دئديگيم بقالي، »باغيشلا« دئديگيم يولدان کئچني بئله بير ديلده دانيشديغيميز اوچون سئويب، قوجاقلاماق ايسته‌ييرديم. بير شهر وسعتينده آداملارين من‌له بير ديلده دانيشماغي اوره‌ييمي اوخشاييردي. تئزليک‌له »هاردا مکتبدن چوخ زندان گورسنيز« شهرين وطنداشي اولماق ايسته‌ييرديم. اولا دا بيلرديم؛ نييه کي، معليميمين دئديگي قدر بو شهرين تاريخي، ديلي، موسيقيسي و کولتورو ايله تانيش ايديم. قارشيمدا هئچ مانع گؤرموردوم.ائله بيل کي، هر سئوگي منيم بيلديگيم سئوگي‌دن‌دير؛ هر دوستلوق، منيم اينانديغيم دوستلوق کيمي‌دير و هر سؤز، اؤز صميميتيم قدر دوزگوندور. اصلينده، من تکجه سؤزلره اينانيرديم. بلکه‌ده باشقا بير ديلده دئييلسه‌ايدي، او قدرده منه اينانديريجي گلمزدي؛ يا دا باشقا بير شهرده دئييلسه‌ايدي بيرآز حقينده دوشونرديم. من، منيم دانيشديغيم ديلده دئييلن هر سؤزه اينانيرديم. او انسانلارلا عائله دئييلديم، دوست دئييلديم، دئمک اولار هئچ نه دئييلديم؛ تکجه ديلداش اولدوغوم اوچون اونلارا صميميتيم‌له اينانيرديم. منيمله هم‌فکر اولانلار آز دا اولسا، وار ايدي. يئرينده اولمايانلاري يئرينه قويماق قرارينا گلديم. صميميت‌سيز »سني سؤورم« جومله‌سينه »سني سئويرم« دئمک‌له صميميت يوکله‌ديم. يئرآلما ساتان حاجي بابانين »تامام« سؤزونون جوابيندا »ياخشي« سؤزونو مؤحکم دئديم. کامانچا چالاندا تعجب‌له منه باخان ياشيدلاريمين- »بو نمنه‌دي چاليرسان؟« سوال‌لارينا »چوخداندير توي بايرام گؤرمه‌ييب اوبام« سؤزو ايله اؤزومو راضي سالديم. مني »تهران«دا دوغولدوغوما گؤره سئومه‌ين و تحقير ائدن ايکي درس اوستاديم‌لا يئنه‌ده دوزگون آذربايجان ديلينده دانيشديم؛ بلکه منيمله ده باشقا اؤيرنجي‌لر کيمي تحقيرسيز داورانسين‌لار. کؤمه‌ييمه گلمه‌ين دوستلاريما, حياتيمدا معنالي يئر داشيمالاريني وورغولاييرديم. بعضي‌لرينه گؤندرديگيم شعر مساژي جوابيندا يازيلان »دنيز که نوشتي يعني چي؟« جمله‌سيني اوخوياندا، »هله اؤلمه‌ميشم، يارالي‌يام من«له ساکينلشديم. »دريا به ترکي ميشه دنيز« يازديم جوابلاريندا. من اونلاري باشا دوشموردوم. آخي نئجه »بيلين او يئرلي‌يم، اورالي‌يام من« ايفاده‌سيني ثبوت ائدجکلر!مشترک ديلده دانيشديغيم بير توپلومدا اؤزومو چوخ يالقيز حيس ائديرديم. »ديلداش« اولماق مندن باشقا بير چوخلاري‌نين نظرينده گرکسيز بير مسئله ايدي. من ايسه بير ايل اؤنجه »ايللردير اوزونه حسرت قالديغيم« شهري گؤرمک هيجانيما دوشونوردوم. يالنيز باشقا بير شهرده دوغولدوغوم اوچون منليگيم، حياتيم، دوشونجم و سؤزلريم اؤزگه‌لنيردي. بير »قوناق« کيمي قارشيلانيرديم. بير شهر وسعتينده ديلداشيمين مني ايستمه‌ديگي قدر اؤزومو يالقيز حيس ائديرديم. مشترک بير ديل بيزي ياخينلاشديرماغا و بيرلشديرمگه يئترلي دئييلدي. شهر، مني گؤرمک ايستهديگيم توپلوم قدر سئوينديرميردي. بير شهرده گؤز آچميشديم، باشقا بير شهر کؤکوم ايدي و باشقا بير شهرين وطنداشي اولماغا چاليشيرديم. من هارالي ايديم؟ بيلمه‌ديم!…
نود دومین سال تاسیس جمهوری ترکیه در اقامتگاه سر کنسول ترکیه در ارومیه با برگزاری مراسمی گرامی داشته شد.
دومین همایش با شکوه پیاده روی خانوادگی کارکنان مخابرات منطقه آذربایجان غربی همزمان با سراسر کشور با شعار «ارتباطی فراگیر » با حضور بی نظیرکارکنان وبازنشستگان به همراه خانواده در پارک جنگلی ارومیه برگزار شد .
عصر آذربايجان -رئيس مرکز مديريت حوادث و فوريت‌هاي پزشکي استان زنجان گفت: پد بالگرد اورژانس زنجان، همزمان ظرفيت فرود چهار بالگرد را در زمان بحران براي امدادرساني به استان‌هاي همجوار دارد.
عصر آذربایجان - معاون هماهنگی امور عمرانی استاندار آذربایجان غربی با اشاره به ساماندهی سایت‌های پسماند سطح استان، گفت: برای مدیریت هر چه بهتر زباله‌ها سایت زباله نازلو 25 هکتار افزایش می‌یابد.
بولگه لر سرويسي:گؤزومو تهراندا آچميشام و ايکي توپلومدا بويا- باشا چاتميشام: بيرينجيسي بؤيوک بير شهرده »قوناق« وطنداش کيمي؛ ايکينجيسي‌ايسه قوهوم- اَقربادان اوزاقليق دويغولاريني آزالدان دوستلار آراسيندا.
عصر آذربایجان- نماینده ولی فقیه در آذربایجان شرقی با بیان اینکه در هفت ماهه سال ۹۹ هم ۷۸ درصد نسبت به ۹۸ رشد داشتیم، گفت: زکات درمان بسیاری از مشکلات، باز کننده گره‌ها و راه رسیدن به خداست.
گروه سيري در استان ها: هشترود شهري زيبا و تاريخي است که در استان آذربايجان شرقي قرار دارد. در سفر به شهر هشترود شاهد منظره‌هاي تماشايي رودخانه‌ها، کوه‌ها و تالاب‌ها خواهيد بود.