آذربايجان ناغيللاري بولگه لر سرويسي: ازقزا، بو گئجه ده پادشاهين قيزي‌نين نووباتيدي. بو گئجه پادشاهين قيزي گئده‌جک. ائله کي، آخشام اولدو، هامي ياتدي، جانتيق ياواشجا اؤزونو قاري ننه‌نين يانينا وئردي. بير آز دا پول وئريب دئدي: - قاري ننه، گئدک اژداهاني منه گؤستر. قاري ننه پولو گؤردو، گليب اوزاقدان اژداهاني جانتيقه گؤستردي، اؤزو ده تئز بورنون چکيب، تومانين دارتيب قاچدي. جانتيق اژداهادان بير آز آرالي بير داشين اوستونده اوتورموشدو. گؤردو بودو بير گؤزل قيز، باشيندا بير نيمچه پلوو، اژداهايا طرف گلير. بو قيز ائله گؤزلدي کي، ميثلي برابري يوخدو. قاشلار قارا، گؤزلر قارا، ياناقلار داغ لاله‌سينه اوخشايير. صيفتي آيين اون دؤردو کيمي يومرو، قدّي قامتي ميثلي-چينار، اوزون-اوزون ساچلاري نار کيمي ممه‌لري، اون سککيز ياشيندا. آغلاياآغلايا بودو گلير. جانتيق قيزا دئدي: قيز بورا گل! قيز جانتيقي گؤردو، دئدي: - من اؤلومه گئديرم مندن ال چک، منله نه ايشين وار؟ جانتيق قيزي زورلا يانينا چکدي، پلووو قيزين باشيندان گؤتوردو، قويدو قاباغينا. تر-تميز يئدي، سونرا قيزا دئدي: - باخ، گؤر آنالار نئجه اوغلانلار دوغوب. قيلينجين چکدي، يا مدد دئييب اژداهايا هوجوم ائله‌دي. بير آز اللشندن سونرا قيلينجي اژداهانين بوغازينا نه تهر ووردوسا، اژداها او ساعت يئره ييخيلدي. قانلي سو شهري باسدي. قيز تئز اليني قانا ووروب جانتيقين کورگينه باسدي. جانتيق قيزي ائولرينه يوللادي، اؤزو ده تئز ائوه گلدي. قانلي قيلينجي گؤيده اولدوز تانييانين باشي‌نين اوستونه قويدو، ياتدي. بلي سحر جاماعت دوردو، گؤردولر کي، شهري سو باسيب. هامي سئويندي. هئچ بيلميرديلر نه ائله‌سينلر. پادشاه امر وئردي کي، »هر کيم اژداهاني اؤلدوروب، گلسين قيزيمي اونا وئره‌جه‌يم«. بو خبري ائشيدن شهر جاوانلاري گليب دئديلر: »بيز اؤلدورموشوک«. کيم گلدي، قيز دئدي بو دئييل. قيز دئدي: - دده، من اژداهاني اؤلدورن اوغلانين کورگينه قانلي اليمي باسميشام. بوتون شهر آدامي گلدي گؤردولر کي، بونلار هئچ بيري دئييل. بلي، کيم قالدي، کيم قالدي، قاري ننه‌نين ائوينده اوچ دنه قوناق قالدي. پادشاه آدام گؤندردي، قوناقلار گلدي. قيز جانتيقي گؤرن کيمي دئدي: - باخ، بو اوغلاندي. بئلينده قاني دا گؤستردي. پادشاه دئدي: - ائي اوغلان، من عهد-پئيمان ائله‌ميشم کي، هر کيم اژداهاني اؤلدورسه، قيزيمي اونا وئره‌جه‌يم. اودو کي، بيرينيز منيم قيزيمي آلماليسيز، چونکي اژداهاني سيز اؤلدورموسوز. جانتيق دئدي: - پادشاه ساغ اولسون، بيز يول آداميييق. بير گونلويه سنين شهرينه قوناق گلديک. سن نه بيليرسن بيز کيميک، نچيگيک قيزيني بيزه وئريرسن. پادشاه دئدي: - سيز قوناق دا اولسانيز اژداهاني اؤلدورموسونوز. گؤرورم قئيرتلي، گوجلو جاوانسينيز. اودو کي، قيزي سيزه وئره‌جه‌يم. سيز بو قدر مخلوقو اژداهانين اليندن قورتارميسينيز. بو جاماعتي سوسوزلوقدان خلاص ائله‌ميسينيز. جانتيق گؤردو کي، هئچ مومکون دئييل، پادشاه ال چکمه‌يه‌جک، دئدي: پادشاه ساغ اولسون، ايزين وئرين بيز اؤزوموز بير آز فيکيرلشک، سونرا سنه جاواب وئرريک. پادشاه راضي اولدو. بونلار گئديب فيکيرلشديلر آخيري بئله قرارا گلديلر کي، قيزي گؤيده اولدوز تانييانا آلسينلار. بلي، پادشاهين قيزيني گؤيده اولدوز تانييانا آد ائله‌ديلر. قيرخ گون، قيرخ گئجه توي ائله‌ييب، ادب-ارکانلا، اللهين امريله پئيغمبرين شريعتيله پادشاهين قيزيني گؤيده اولدوز تانييانين قوينونا سالديلار. بير نئچه گون بورادا قوناق قالاندان سونرا جانتيقله دريايي جاهانگير آتلارين مينيب يولا دوشدولر. گونه بير منزيل، تييي-منازيل، دره‌لردن سئل کيمي تپه‌لردن يئل کيمي، بادي-صرصر کيمي، آياق اوزنگيده ديز قابيرغادا بير نئچه گون يول گئتديلر، گليب پادشاهين شهرينه چاتديلار. گؤردولر کي، بير قاري ننه تويوق کيمي کولّوکده ائشه‌له‌نير. دئديلر: - قاري ننه، بيزه بير يئر وئر قريب آداميق، يئريميز يوخدو. قاري دئدي: بيي قادان-بالان آليم، منيم يئريم اولسا بو کولّوکده نييه ائشه‌له‌نيرم؟ بونلار او ساعت بيلديلر کي، قاري قيسمي پولاگير اولار. اودو کي، تئز قارييا بير آز پول وئرديلر. قاري ننه پولو گؤرن کيمي دئدي: - بيي، سيزه جانيم قوربان، يئريم ده وار، يوردوم دا وار، بير گئجه اولماسين، اون گئجه اولسون، يئره نه گليب. الله سيزين کيمي قوناقلاردان گونده اوتوزون منه يئتيرسين. قاري ننه بونلاري ائوينه آپاردي. بلي، بونلار قاري ننه‌نين ائوينده يئديلر قارينلارين برکيتديلر. بيردن قاري ننه‌دن سو ايسته‌ديلر. قاري دئدي: - بالا، شهرده سويون قاباغيندا بير اژداها ياتيب، هر گئجه بير قيزين باشيندا بير نيمچه پلوو گؤندريرلر اژداهايا، اژداها قيزي يئييب قورتارانا کيمي شهره سو گلير. اودو کي، بو شهرده سو تاپيلمير، ازقزا، بو گئجه ده پادشاهين قيزي‌نين نووباتيدي. بو گئجه ده پادشاهين قيزي گئده‌جک. ائله کي آخشام اولدو، هامي ياتدي، جانتيق ياواشجا اؤزونو قاري‌نين يانينا وئريب دئدي: - قاري ننه، گئدک، اژداهاني منه گؤستر! قاري چم-خم ائله‌دي، جانتيق بير آز پول وئردي. قاري ننه آپاردي اژداهاني جانتيقه گؤستردي. جانتيق بير داشين اوسته اوتوردو گؤردو کي، بودو بير قيز گلير، باشيندا پلوو، يئمه ايچمه، بو قيزين خطتي-خالينا، گول جامالينا تاماشا ائله. آيا، گونه دئيير سن چيخما، من چيخاجاغام. غرض، جانتيق بو اژداهاني دا اؤلدوردو. قانلي سو شهره آخدي. قيز تئز اليني قانا باسيب جانتيقين کورگينه باسدي. جانتيق قيزي ائولرينه يوللادي، اؤزو ده تئز ائوه گلدي قانلي قيلينجي دريايي-جاهانگيرين باشي‌نين اوستونه قويدو، اؤزو ده ياتدي. بلي، چوخ باش‌آغريسي اولماسين، بو قيزي دا آلديلار دريايي-جاهانگيره. قيرخ گون، قيرخ گئجه توي ائله‌ديلر، ادب-ارکانلا، اللهين امريله، پئيغمبرين شريعتيله پادشاهين قيزيني آلديلار دريايي-جاهانگيره. بير نئچه گون بوردا قوناق قالديلار، سونرا جانتيق تک-تنها آتينا ميندي يولا دوشدو. گونه بير منزيل، تييي-منازيل دره‌لردن سئل کيمي، تپه‌لردن يئل کيمي، باديصرصر کيمي آياق اوزنگيده، ديز قابيرغادا بير نئچه گون يول گئتدي، گليب بير يولون کناريندا دوخسان ياشيندا بير قوجا کيشييه راست گلدي. کيشي جانتيقي گؤرنده دئدي: - اوغول، هارا گئديرسن؟ جانتيق دئدي: - گئديرم پري خانيمين دالينجا. قوجا کيشي دئدي: - اوغول سن گل بو يولو گئتمه! بو يوللاردا چوخ آداملار پوچا چيخيب. جانتيق دئدي: - عمي، نئچه آيلاردي کي، يول گليرم. آتا-آنامي آتميشام. اؤلوم ده اولسا گئده‌جه‌يم. کيشي گؤردو کي جانتيق گئده‌جک، دئدي: - ائي اوغول، ايندي کي گئديرسن، گئت، پري خانيمين منزيلينه آز قاليب. اورا چاتاندا گؤررسن کي، دامين اوستونده بير قوش اوچور. قوشون بوينوندا بير دسته آچار وار. اگر قوشو اوچ اوخا ووردون هئچ، يوخ، وورا بيلمه‌سن داش اولارسان. جانتيق قوجادان آيريلدي. بير ده گؤردو کي، قوجا يوخدو، قوجا قئيب اولوب. او ساعت بارماغين ديشله‌ديبيلدي کي، بو قوجا کيشي نورانيلردندي. آردي وار
بولگه لر سرويسي: ازقزا، بو گئجه ده پادشاهين قيزي‌نين نووباتيدي. بو گئجه پادشاهين قيزي گئده‌جک. ائله کي، آخشام اولدو، هامي ياتدي، جانتيق ياواشجا اؤزونو قاري ننه‌نين يانينا وئردي.