آذربايجان ناغيللاري بولگه لر سرويسي:بيري وار ايدي، بيري يوخ ايدي، گونلرين بير گونونده بير پادشاه وار ايدي. بو پادشاهين بير قيزي وار ايدي، آدي دا پرينوش خانيمدي. پرينوش او قدرگؤزلدي کي دونيادا ائله گؤزل قيز يوخدو. اؤلکلردن ييغينييغين پادشاه،وزير، تاجير اوغوللاري پرينوش خانيما ائلچي گؤندريرديلر. آمما پرينوش خانيم هئچ کيمه ديل وئرميردي.بير گون پادشاه، قيزي پرينوشو چاغيرتديريب خبر آلدي کي:- قيزيم، گونده فيلان قدر ائلچي گلير، نه دئييرسن؟ کيمي بَيه‌نيرسن دئ، او آداما دا نيگاه کسديرک.پرينوش دئدي: - مهريبان آتا، من اره گئتمک ايستميرم.پادشاه دئدي:- ايندي کي، بئله اولدو، اؤز ايختييارين اؤزونده‌دي. کيمي ايسته‌سن اونا داگئده بيلرسن.پرينوش دوروب آتاسي‌نين يانيندان، گلدي اؤز منزيلينه، چوخ فيکيرائله‌دي، آمما اورگينه ياپيشان بير آدام تاپا بيلمه‌دي.آرادان بير نئچه مدت کئچدي. پرينوش چوخ داريخميشدي، آتاسينا بيربئله کاغيذ يازدي کي: آتايي-مهريبان، آنام اؤلن گوندن بري سنين باغينا گزمه‌يه گئتمه‌ميشم. ايزين وئر، گئديم باغا.يازيب کاغيذي گؤندردي آتاسينا. پادشاه کاغيذي آليب اوخودو، گؤردو کي،قيزي پرينوش باغا گئتمک ايسته‌يير. باغبان اوچون خبر گؤندردي کي، “قيزيم باغا گله‌جک، باغي ساهمانا سال! بير نفر کيشي جينسيندن باغدا اولسا،واي سنين حالينا”. باغبان بو خبري ائشيدن کيمي دوشدو ال-آياغا. بيرگونورتايا باغي ساهمانا ساليب پادشاها خبر گؤندردي کي، باغ حاضردي.پرينوش قيرخ قيزلاري گؤتوروب گلدي باغا. پرينوش گؤردو کي، باغبان باغي چيلچيراقبان ائله‌ييب. بوردا گوللر، بولبوللر، هر نه مئيوجات ايسته‌سنواردي. باخديقجا آدام حسد آپارير. عطيرلي بير چمن اوسته تاختين قوروب باشلاديلار چاليب اويناماغا. يئمک واختي چاتدي، يئمک يئييلدي.پرينوش يئمکدن سونرا ييخيليب ياتدي. پرينوش يومشاق ياتاقدا ياتميشدي،قيرخ قيز دا يانيندا اونون قارووولونو چکيردي. سنه خبر وئريم کيمدن، باغبانين اوغلو ايبراهيمدن. باغبان اوغلو ايبراهيم ايشدن گليردي،چوخ برک يورغوندو. گيريب باغا گؤردو کي، هئچ کس يوخدو. چيخيب چارهوووزاوسته ال-اوزونو يويوب، ييخيليب ياتدي. بير واختي پرينوش يوخودان آييليب قيرخ قيزا دئدي کي:- سيز بورادا اولون، من گئديم چارهوووز اوسته، ال-اوزومو يويوم گليرم.قيرخ قيز اوردا قالدي. پرينوش ايسه کؤلگه‌ليگيني الينه آليب اوز قويدو چارهوووزاطرف. ايسته‌دي چيخيب ال-اوزونو يويا، نفس ائشيتدي. تئز دؤنوب بيرنئچه قدم گئتدي، ايسته‌دي قيرخ قيزي چاغيرا هارايينا، سونرا دا اؤزلويوندهدئدي: قوي تک گئديم، گؤروم کيمدي آتامين باغيندا بئله راحت ياتيبدي.پرينوش اؤزون يئتيردي قايسي آغاجي‌نين آلتينا. بير او يانا، بير بو ياناباخيب، گؤردو کي، يومشاق گؤي اوتون اوسته بير اوغلان ياتيب، اوزونه جيب يايليغي ساليب. پرينوش سول الين ووروب بئلينه، ساغ اليني اوزاديب اوغلانين اوزوندنيايليغي گؤتوروب آتدي. گؤرن کيمي تانيدي کي، بو، باغبانين اوغلو ايبراهيمدي.ايبراهيم چوخ گؤزه‌شيرين اوغلاندي. پرينوشلا دا همياشدي. پرينوش ديزين ووروب يئره، بير خئيلاق ايبراهيمه باخدي. محبتين سالدي اورگينه دئدي، گرک ايبراهيمه گئدم.الينده‌کي عطيرلي يايليغي چکيب ايبراهيمين اوزونه، اوتوردو باشي‌نين اوسته.ايسته‌دي اويادا ايبراهيمي، بير آز گولوب دانيشا، قييمادي. بو طرفدن ده قيزلار پرينوشو چوخ گؤزله‌ديلر، آخير گؤردولر کي، پرينوش گليب چيخمادي،دوردولار چاغيرماغا. پرينوش قيزلارين سسين ائشيدن کيمي، دوروب آياغا، قيزلاري چاغيردي. قورخدو کي، سيرري آچيلا. قيزلار گليب چاتديلار. پرينوش دئدي:- ائي چپللر، مگر بيلميرسيز کي، من باغدايام، بو کيمدي ياتيبدي.ايندي آتام بيلسه هامينيزين بوينون ووردورار.قيزلارين هاميسي يارپاق کيمي پرينوشون قاباغيندا اسيرديلر. پرينوش امر وئردي کي، ايبراهيمي گؤتوروب آپارسينلار اؤز اوتاغي‌نين آلتيندا بير اوتاق واردي، سالسينلار اورا، اؤزو ايبراهيمين تنبئهين ائده‌جک. قيزلار قاش قارالاني گؤزله‌ديلر. قاش قارالان کيمي ايبراهيمي گؤتوروب گلديلر، پرينوشون اوتاغي‌نين آلتيندا بوش بير اوتاق واردي، ساليب ايبراهيمي اوتاغا چيخيب گئتديلر.پرينوش تئز اؤزونو ايبراهيمه يئتيردي. ايبراهيم آييليب گؤردو کي، او،باغدا ياتميشدي، آمما ايندي ائوده‌دي اؤزو ده پادشاه قيزي اوتوروب باشي اوسته،ايبراهيمي خوف گؤتوردو، ايسته‌دي پرينوشو قويوب قاچا، پرينوش ايبراهيمين قاباغيني کسيب قويمادي قاچا دئدي:ايبراهيمقاچما، سني من گؤتورموشم بورا.ايبراهيم بير شئي باشا دوشمه‌دي، ايسته‌دي گئده، پرينوش ايبراهيمين قاباغيني توتوب قويمادي.ايبراهيم دئدي:- خانيم، من بير باغبان اوغلو، سن بير شاه قيزي، من هارا، سن هارا؟پرينوش باخيب گؤردو کي، ايبراهيم اونو سيناقدان کئچيرير، دئدي:- گل مني سيناقدان کئچيرمه! گؤز گؤروب، کؤنول سئويب، آتام مين دئيه، من سنينم کي، سنين.ايبراهيم پرينوش خانيمدان کئچه بيلمه‌دي. هر ايکي عاشق قول بويونا ساليب، اؤپوشدولر. پرينوش بوتون گئجه‌ني سحره کيمي ايبراهيمله بير اوتاقدا قالدي. آردي وار
بيري وار ايدي، بيري يوخ ايدي، گونلرين بير گونونده بير پادشاه وار ايدي.
سحر دوروب ايبراهيمه بير دست پالتار گئيديريب، پول وئريب گؤندردي حاماما، ايبراهيم گئيينيب کئجينيب، گلدي پرينوشون يانينا.
يلسيم کيتابلارين آچيب تؤکدو قاباغينا. ايبراهيمي دوز بير آي روزيگار يانيندا ساخلاييب تيلسيم اؤيرتدي.