آذربايجان ناغيللاري بولگه لر سرويسي:بير گون وارايدي،بير گون يوخ ايدي،آللهدان سئواي هئچ کس يوخ ايدي. گونلرين بير گونونده بير پادشاه وار ايدي کي اونون اوچ اوغلو وار ايدي.بير گون ايسته‌يير اونلارين اوچونوده ائولنديرسين. کيملري اونلارا آلماق ايچون فيکره دوشور. بونا گوره‌ده وزير- وکيلي خبر ائله‌ييب اونلاري ييغير باشينا. هاميليق‌لا بو نتيجه‌يه يـئتيريرلرکي شهرين قيزلاريني بير يـئره يـيغيب اوغلانلارين أللرينه بير تيرکمان وئرسين‌لر. هر اوغلان بير اوخ آتيب و اوخ هرهانسي قيزين آياقي اؤنونده داياندي او قيز اونون اولسون. اول‌ده بؤيوک اوغلان بير اوخ آتدي و بئله‌ليکله وزيرين قيزي اونون اولدي. وسط اوغلان‌دا وکيلين قيزين بلله‌ييب اوخونو آتـير. قالير کيچيک اوغلان. کيچيک اوغلان‌کي اوخونو آتـير ده‌يير بير قره‌داشا. هامي ناراحات اولورلار. نئچه گون کئچير و اوغلان اوز طالعيني دوشونه‌رکن قره‌داشا ياخينلاشير. قره‌داشي يئريندن دبه‌رتمک ايسته‌ينده، گؤرور اونون آلتـيندا بير قويـو وار. بو ايشده بير سيرّ آنلاييب قويـونون تکينه يـئنير. آياقـيني يـئره قويـوب قويماز، قويـونون ديبينده بير قاپي گؤرور. قاپيني آچار‌کن اوزونه بير باغ آچيلير. باغا گيره‌رکن اوره‌گه ياتان سئويلي بير سس، اونو اؤزونه ساري چکير. سسه‌کي ياخينلاشير بير قيز گؤرور. بير قيز کي گؤزه‌لليکده، اونون تايي ـ برابري يوخ ايدي. نئچه‌گون بير يـئرده اولورسالاردا او قدر خوش کئچيرکي گونلرين سايي ـ حسابي اللريندن چيخير. آنجاق بير گون قيز اوغلانا دئـييرکي: »قصره قاييديب آتانلا بو واقعه‌دن سؤز آچديقدان سونرا، اونو و بوتون قوشونوني قوناق اولماق ايچون بو باغا گتيررسن.« اوغلان قيزلا وداعلاشيب قصره قايـيدير. جرياني کي شاها آچيب دئـيير، شاه ائله فيکر ائليرکي اوغلونون باشينا هاوا گليب. وزيردن تدبير ايسته‌يـير و اودا جوابدا دئـيير:» شاهيم ساغ اولسون، منجه گرک اونون اوره‌گيني سينديرماياق. او دئـيه‌ن کيمي گرک ائله قوشوندان بير حصه‌سيني گؤتوروب صاباح ناهار اوستو قره‌داشين يانينا گئده‌ک. اگر اوغلانين سؤزو دوز چيخدي کي هئچ، اگر سؤزو دوز اولماسا، اوندا دا بير زاد الدن وئرمه‌ميشيک . آخشام کي اولدي سارايه دؤنه‌ريک.«پادشاه وزيرين سؤزونو قبول ائله‌يير و صاباحکي گون هامي بيرليکده قره داشا ساري يـولا دوشورلر. اوغلان نئجه‌کي دئميشدي،او جورده اولور و هرزاد دوز چيخير. پادشاه گئديب باغداکي کوله‌فرنگي‌ده اوتورور و قيزي گؤرور کي جنّته اوخشار باغدا قيزيل قاب‌لاري دوگو ايله دولدوروب لشکري دويونجا يـئديردير. نهايتده ده قيزيل بشقابلاري اونلارا باغيشلايـير.پادشاه بو عالمه حيران ايدي کي گؤي‌دن آسلانميش بير آلما گؤرور. أل آتيب آلماني توتماق ايسته‌رکن، آلما گؤيه گئدير.قيز شاها دئـيير:»سيز زحمت چکمه‌يـين.ألي‌ئيزي يوموب آچساز، اووجوزدا گؤره‌رسيز.«پادشاه بو ايش‌دن چوخ حظّ ائله‌يـيب و آخشاما ياخين، وزيري‌ده گؤتوروب لشکرله بيرليکده سارايا قاييديرلار. آمما اوغلان قالير قيزين يانيندا. بيرگون کي اوغلان باشيني قيزين ديزي اوسته قويوب ياتميشدي، او واخت آيـيلير کي گؤرور، بير چؤلده يالقيز يالقيز اوزانيبدي. نه قيزدان خبر وار نه باغدان. آنجاق بير مکتوب باشي اوسته گؤرونور. مکتوبا باخارکن قيزين خطّيني تاني‌يـير. گؤرور قيز يازيب کي:»اگر مني سئويب آلماق ايسته‌سن، گرک کي دميردن بير جوت چاريق گئـييب و دمير چليک‌له منيم داليمجا گزه‌سن. هازامان اونلار داغيلسالار، اوندا من سنينم سن ده منيم«.اوغلان کور پئشمان يولا دوشوب سفيل، سرگردان دولانارکن يولدا اوچ دئو گؤرور. دئـولر بير بيرلري ائله دئـيشيرديلر. اوغلان ايشين نه اولدوسوندان باش‌آچماق ايچون ياخينا گئتدي. بيري دئدي:»دده‌ميزدن بيزه اوچ شي قاليب‌دي. خالچا، قمچي و بير دانا بؤرک. اونلاري بولوشدورمک ايچون سؤزوموز چيخيب. اگر بؤرکو باشينا قويوب و خالچادا اوتوروب، قمچي‌نن ووراسان حضرت سليمان عشقيله، او سني هارا دئسن آپارار.« پادشاهين اوغلو واختي غنيمت بيليب و اونلارا دئـيير:« بوکي بيرزاد دئـييل. من اوچ‌دانا داش آتاجاغام کيمسه او داشلاري تاپيپ گتيره بيلسه، بونلارين هاميسي اونون اولاجاق.»دئولر اونون سؤزونه باخيب و داشلاري آتارکن، دابانا قوت گؤتورلميزلر، اونلار قاچيب داشلاري تاپاناجان، پادشاهين اوغلو بؤرکو باشينا قويوب و قمچي ألده خالچادا اوتوروب دئـيير:« حضرت سليمان عشقيله سئوگيليم يانيـنا گئتمک ايسته‌ييرم.»پادشاهين اوغلو گؤزونو يوموب آچانا قدر اؤزونو باغدا گؤرور و قيز اونو باغدا گؤرمک‌ده تعجب‌دن بارماغيني ديشله‌يير. آنجاق بير سوز دئـيه‌نمير و اوغلان ائله فشنليک‌ده اگلنجه‌ده اولور تا کي بير گون، قيزين نديمه‌لريندن بيري، شيطانليق ائديب قيزين شاه‌باباسينا اونون بير اوغلانلا گون کئچيرمه‌سيني سؤيله‌يير. شاه ائشيده‌رکن دستور وئرير اوغلاني توتوب اونون يانينا گتيرسين‌لر. آردي وار
بير گون وارايدي،بير گون يوخ ايدي،آللهدان سئواي هئچ کس يوخ ايدي. گونلرين بير گونونده بير پادشاه وار ايدي کي اونون اوچ اوغلو وار ايدي.بير گون ايسته‌يير اونلارين اوچونوده ائولنديرسين.
آردي وار. شاه دئـيير: سنين بوردا نه ايشين‌وار؟اوغلان دئـيير:»آللاهين امريله و پيغمبرين شرعي‌له سنين قيزين‌لا ائولتمک ايستيره‌م.«
اوننان سوهرا، گتيرئي بي منزيل وئرديرئي قارامليگه، گئديب ييغشئي‌لر اورا. اؤزي گلئي، سوب گلردي خودکارين يانيندا قالاردي، ياتيشاندا گئدردي ائوينه، دئدي خاييش ائلييم سننن دسدور دئ شهره- جار چاغيرتدير هئشگس منيم ائييمين يئرين دئمه‌سين گلسه‌لر.