تراژدي

يولداشينين آتاسينين ياس مراسمينه گئديرلر. ‌يولدا فيکيرلشير، گؤرن اونلاردا ياخشي ايفاچي اولماغي باشاراجاقلار يوخسا يوخ؟ ياخشي هله بيزيم ناشيليغيميزا دوشمه‌دي، باشي اوجا چيخديق. ‌گؤرن آدام اؤز ياس مراسمينده سئيرچي اولور يوخسا ايفاچي؟ آمما نوماييشده بو دؤنه سئيرچي‌ام ها! دئيه گولومسه‌ييريانينداکيلار قئيقاجي باخيرلار. ‌مچيده يئتيشيبلر. ‌

بولگه لر سرويسي:يولداشينين آتاسينين ياس مراسمينه گئديرلر.
 ‌يولدا فيکيرلشير، گؤرن اونلاردا ياخشي ايفاچي اولماغي باشاراجاقلار يوخسا يوخ؟ ياخشي هله بيزيم ناشيليغيميزا دوشمه‌دي، باشي اوجا چيخديق. ‌گؤرن آدام اؤز ياس مراسمينده سئيرچي اولور يوخسا ايفاچي؟ آمما نوماييشده بو دؤنه سئيرچي‌ام ها! دئيه گولومسه‌ييريانينداکيلار قئيقاجي باخيرلار. ‌مچيده يئتيشيبلر. ‌
او گون اؤزلرينين ياسيندا مچيدده اوتورارکن بير زاد گيردي بئينينه، چوخدان بئينينين يان – يؤره‌سينده وورنوخوردي، بودا بويون صاباح ائيله‌رکن قاباغين آليردي. ‌اينديسه بو اؤزونه گلينجن ايش ايشدن کئچميشدي. ‌بلکه ده بو گوندن اويغون بير گون تاپماميشدي. ‌بوندان بئله چوخ چاليشدي سونرايا ساخلاسين، اولمادي کي اولمادي. ‌
مچيده يئتيشنه‌دک گؤز ياشلاري دورمادان، آخميشدي، بوغازي توتولموشدو،گؤزلري گؤينه‌ييردي. ‌چوخ ايسته‌ميشدي بيرآزين دا ساخلاسين مچيده؛ بيليردي صندل ده اوتورماقدا آغلاماق زاد ياديندان چيخاجاق. ‌بلکه ده بئنينده‌کينه گؤره جاماعاتين ايچينده آغلايانميردي. ‌آغيچي اورکدن چاليشيردي، آمما بو آغلاماق يئرينه گؤزونو اوتورانلارين هاميسينين اوزونه دولانديريردي، ائله ظن ائتدييي کيمي‌ايدي. ‌بيردن گولماغي توتدو. ‌اؤزونو زورلا ساخلادي. ‌ تزه‌دن هامييا باخدي. ‌ هاميسي تراژدييه گلميشديلر. ‌هاميسينين اوزلري بونلارا ساري، دؤرد گؤزلو سيرايلا باخيرديلار. ‌بير پاراسي باشلاريني ترپتيرديلر، بير سيراسينين گؤزلري دولوردو، بير سيراسي دا يالنيز باخيرديلار. ‌چوخ وعده بو حيسي اولموشدو، آمما بو دؤنه اؤزونو دوغرودان نوماييش صحنه‌سينده حيس ائيله‌دي. ‌گؤرن تئاتردا دا اسکار موکافاتي وار؟ اولسا ايه‌ر گؤره‌سن هانسيسينا يئتيشه‌جک؟ يئنه گولومسدي‌يانينداکيلارين آغير باخيشلاريني حيس ائيله‌سئيدي ده اليندن بير ايش گلميردي. ‌جانيني بتر ياغلاماليدي؛ ائله بيل اؤزو دونن دئميردي مثلن ياس صاحيبيسيز آز دانيشين، اؤزوزو توتون، آغير سنگين اوتورون، باخانلار نه ديير.يئنه قايئتدي نوماييشه. ‌گؤرن باشيما دؤيوب اورکدن آغلاسام ياخشيدي؟ آخي او گون بير ياسدا اؤز قولاقلاري‌ايله ائشيتميشدي: گؤردوز قيزي! ساکي آتاسي اؤلموشدو، باشينا دؤيوب آغلاماق يئرينه هوروت ـ هوروت باخيردي آدامين اوزونه. ‌بلکه ده سسسيز سئيرچيلرين اوزلرينه باخاراق گؤزياشي تؤکمه‌ييم ياخشي اولسون! اوندا بلکه دئديلر يازيق قيز اوره‌يينه ساليب ناخوشلاماسا ياخشيدي. ‌يادا يوخ! اوجادان اوخشاييب جاماعاتي دا بو نوماييشه قاتسام نئجه اولار! بو اوره‌يينه چوخ ياتدي. ‌اوندا چوخلارينين ايلگيسيني چکردي. ‌تازاليغي دا اولاردي. ‌بلکه ده موکافاتي آلئيدي.او قدر طبيعي اويناماغينا فيکيرلشيردي کي ياديندان چيخارتميشدي مچيدي ده آداملاري دا. ‌دومسوک بؤيروندن ديمکده قالخيب قوناقلاري يولا سالماغا باشلادي. ‌بير ايکي نفر آغلارکن بونو قوجاقلاديلار. ‌چاليشديقجان آغلاماغا، هر نه اوزاقلاشيردي بوندان. ‌چادراسي دا يوخ‌ايدي چکه اوزونه گؤوده‌سيني تيتره‌ده، بلکه اوندا لاپ طبيعي گؤرسنئيدي! داها واخت قالماميشدي. ‌هر نه‌يي اؤتوروب، موکافاتا فيکيرلشيردي. ‌آمما بو دورومدا، نوماييشدن گئدنلر قويموردولار ذهنينه گلن يوللاري سيناغا چکسين. ‌بيردن بير ايشيق اوره‌يينده پارلادي؛ قيرخينادک هله واختيم وار دييه گولومسه‌دي.آياقلاريز آغريماسيني ائشيتديکده اؤزونه گليب، ساغ اولون دئييب تله‌سيک مچيددن ائشييه چيخدي. ‌ياخشي سئيرچي اولماماغي ايچون اؤزونو دانلاييب سونراکي نوماييشلره فيکيرلشرک توختاخليق وئردي اؤزونه.

منبع :