کشمکشلي حيات يولو
1398/06/03
بولگه لر سرويسي: ياي اولسون، قيش اولسون، بيزيم، يعني، بير نئچه اوشاقليق دوستونون اساس گؤروش يئريميز بيلگه‌ده روستم گيلين ائوينده اولاردي.
روستمين آتاسي زولفقار دايي بو کندين سينه‌سي خاطيره دولو، بئيني ياشاديغي ايللرين تجربهسييله يوکلو، ساييلان-سئچيلن آغساققاللاريندان ايدي. گنج ياشلاريندان “کشمکشلي” حيات يولو اونو اولجه تورمه‌يه، اوردان آلمان محاربهسينه، اؤزو ده بيرباشا اشترافباتا، محاربهدن سونرا ائوه و يئنهده قيسا بير مدتدن سونرا تکرار تورمه‌يه آتميشدي. بيز روستمين کيچيک قارداشي رحمتليک آسلانلا مکتبين بيرينجي سينفينده اوخوياندا آتالاري تورمه‌ده ايدي. اوچ قارداش و بير باجيني آنالاري ديشيني-ديشينه سيخيب ياريآج، ياريتوخ بؤيودوردو. بو مينواللا گونلر کئچدي و بيز دوققوزونجو سينيفده اوخوياندا زولفقار دايي آخيرينجي دفعه تورمه‌دن قاييديب گلدي. داها شهرده ياشاماق ايستمه‌دي، اصلي کي، بيلگه‌دن ايدي، اونو توتموش “بدليگين” آياغيني سينديرماق فيکرييله آرواد-اوشاغيني باشينا ييغيب تزه پيرين آلتيندا پئترا مونتينده‌کي ائويندن بيلگهه، کهنه آتا-بابا ائولرينه کؤچدو. آسلان او زامان ائودن قاچماق، کهنه محله‌ده بير قوهوملاري گيلده قالماق ايسته‌ييردي، آناسي بيزه، بيزسه اونا يالوارديق، کنده تئز تئز گله‌جهييک دئيه اونا “کيشي” کيمي‌سؤز وئرديک، او دا داشي اتگيندن تؤکدو. زولفقار دايي عاييلهسي ايله يؤندمسيز، داريسقال آتا-بابا ائوينده ياشايا-ياشايا ائله اونون يانينداجا يئني، ايکيمرتبه‌لي ائو تيکدي.
بئلجنه بيز دوستلارين عمومي‌باغ ائويميز گؤيدن، نئجه دئيرلر زمبيلله دوشدو.او زامانلار باکي کندلرينده حَيَطده پارنيک ساليب گول اکمک تزه-تزه دبه دوشوردو. قرنفيل سووئتلرين بؤيوک-بؤيوک شهرلرينين بازارلاريندا بير گؤز قيرپيميندا ساتيليب قورتاراردي. قرنفيلچيلري دايم ماللا تامين ائلهمک اوچون خصوصي گول آپاريب-گتيرن دسته‌لر وار ايدي. بو آداملار حَيَطلري بير-بير گزيب قرنفيللري حَيَط صاحيبيندن هله بوتايکن آلاردي، اولجهدن پوللاريني وئريب راحاتچيليقلا ياخين، اوزاق غربت شهرلرين بازارلاريندا گول ساتانلاردان سفارش گؤزلرديلر. زولفقار دايي اعتبارلي مال يييه‌سييدي. موشتريسي اسکيک اولمازدي. الينه ياخشي پول گلمه‌يه باشلادي.
آريق، اوجابويلو، اوووردلاري باتيق، حرکتلري تنبل، گؤزلري ايسه جيوه کيمي‌دايم حرکتده اولان زولفقار دايي بير بالاجا قاراباغين پامبيق بيلريني خاطيرلاديردي. قرنفيل ايشي چوخ اذيتلي ايش ايدي. پارنيکده گوله باخماق، بؤيوتمک، قوردونو تميزله‌مک، گوبره‌سيني واختلي-واختيندا وئرمک، بير سؤز، نازيني چکمک آسان ايش دئييلدي. حَيَطده هميشه فهله‌سي اولاردي. فهله‌لرله بير يئرده بؤيوک اوغلو روستمده قان-تر ايچينده اللشردي. زولفقار دايي ايسه ايکيمرتبه‌لي، تزه تيکديرديگي ائوينين هله رنگ چکيلمه‌ميش بالکونوندا اوتوروب آنجاق رهبرليک ائدر، ساغا-سولا گؤستريشلر وئرردي. بير ده پول ايشينه اؤزو باخاردي. پيس دولانميرديلار. ”بدلييين” آياغيني سينديرميشدي. ائوي تيکديريب قورتارميش، آسلان اوچون ماشين دا آلميشدي. . . اصلينده، ماشيني، شيشيرتمک اولماسين، بيزيم اوچون آسلانين دوستلاري اوچون آلميش دا ساييلا بيلردي. آسلان ماشيني، بيزسه ماشينين کئفيني سوروردوک.
هر دفعه بيلگهه، اونلارين ائوينه گلنده عادتن قاشقاباقلي زولفقار دايي بيزي دوداقلارينين اوجونا قونموش ظريف (ضعيف) تبسومله قارشيلاردي. بو، هئچ منيم ياديمدان چيخماز. حقيقتن ده، اورگينده چوخ سئوينديگيني “اوغلونون دوستلاري قوناق گليب”هاميميز حيس ائديرديک. . . اورگينده هم ده اونونچون سئوينيردي کي، بيزيم گلمگيميزله محاربه خاطيره‌لريني دانيشماق اوچون الينه فرصت دوشوردو، بئينينده ايسه بو زامان او، منجه، بئله فيکيرلشيردي: “نه احوالات دانيشسام، بونلار اوداجاقلار، اصل منيم ماليمديلار”.
بيز اونون “ماللاري” بيلگهدهکي بو ائوين قاپيسيندان اؤز ائويميزه گيرن کيمي‌ارکله گيريرديک. يئمکدن يئييب، چايدان ايچه-ايچه اونون بيزه “سيريديغي” افسانه‌لري حقيقت آدي آلتيندا، گويا کي، مال کيمي‌يئييرديک. سونرا دا آناليز ائديب گولمکدن آز قالا اؤلوردوک.
-آتون بيزي لاپ حريف سايير، خبرين وار؟! بير دفه ابولفتح گولمکدن اوغونا-اوغونا آسلانا دئدي.بيز تئز اطرافا بويلانديق. بو آدام دانيشيغيني‌هاچان بيلميشدي کي. . . ياخشي کي، کيشي ائيواندا يوخ ايدي.عاغيلدان کم ذاکر اونون دئديگينه بئله بير دوزه‌ليش وئردي:-اساس مسئله قارنيميزا يئديگيميزدير، بئينيميزه يئديگيميز دئييل. بو ايسه آرتيق “دليدن دوغرو خبر” ايدي. بئله گليش-گئديشلرين بيرينده منيم عاغليما حتّي بئله بير فيکير گلميشدي کي، بيز آخي، دئيه‌سن، بيلگهدهکي بو ائوه آسلاندان، روستمدن داها چوخ زولفقار داييني گؤرمه‌يه، اونون آغلاسيغماز تاريخچه‌لرينه قولاق آسماغا گليريک.
صحبتدن سونراکي اساس ايشيميز نيدي، نرد اويناماق! زولفقار دايينين آزاري مطلبي نردده اودماق ايدي، دي گل، بونو باجارا بيلميردي. مطلب هر دفعه بيلگه‌دن قوجاق دولو قرنفيلله قاييداردي. تاسي بئش قرنفيلدن اويناييرديلار.
بير گون ايکي-اوچ ساعات نرد اويناياندان سونرا چار-پيشمانين شيرين يئرينده زولفقار کيشي نوبتي مغلوبيتيندن سونرا يئنه قيزيشميشدي. مطلب ايسه هئچ نه اولماميش کيمي:-بسدي، زولفو دايي، يورولدوم، باشيم آغريدي. من بير استکان چاي ايچيم، اؤزومه گليم، -دئيه استولون آرخاسيندان دوردو، قوللاريني گئن آچاراق گرنشدي، گئنيش ايواندا غاليب پهلوانلار کيمي‌اورا-بورا گزيشمه‌يه باشلادي. بو، بير نوع، “آرادان” چيخماق دئمک ايدي. کيشيني اود گؤتوردو:-گؤر نئجه اليمي‌کسير؟! بير گؤرورسوز؟! زولفو دايي داخيلن برک حيرصلنسه ده بيزه باخيب حيرصيني بوغا بيلدي، -آي اوشاق، بونا چاي گتيرين، – دئييب نردين داشلاريني، حتّي مطلبين داشلاريني دا، يئنيدن تاختايا دوزه-دوزه سسلندي:-گل گؤروم، گل، بورا بيلگه‌دي، بوردا اودوب قاچماق يوخدو! جوتده‌ييب اودورسان، من سنه بير سؤز دئميرم، سونرا دا قاچيرسان؟!مطلب، البته کي، يالاندان اؤزونو نازا قويوب کيشيني حالدان چيخارماق ايسته‌يير، هميشه‌کي کيمي‌اؤزوندن اويوب اويودوردو. بو ايسه زولفقار داييني داها چوخ عصبيلشديريردي.-آي زولفو دايي، سن مننن باجارا بيلمزسن. من بو نردين اوستاسييام، سن آخي عاريف آدامسان، بونو بيليرسن. يوخ بير، “زر وئرير. ” اولمادي کي. . . زر وئرر کيمه؟ زر وئرر اويونچويا!-گل، گل، ايندي گؤره‌جهگم، سن نئجه اوستاسان، نئجه اويونچوسان. بورداکيلارين‌هاميسي گؤره‌جک.
منبع :